Ashyq qosımşasın paydalanıp twrğan adam. Körneki suret. Foto: Atameken.kz

Ashyq qosımşası arqılı oqşaulau rejimin bwzğandar anıqtalıp, jauapqa tartıladı. Bwl turalı 7 mausımda sanitarlıq-epidemiologiyalıq qadağalau jönindegi komitet habarladı.

"Densaulıq saqtau ministrliginiñ bwyrığına säykes, Ashyq aqparattıq platformasınıñ kömegimen oqşaulau rejimin bwzğandar anıqtaladı. Jüyedegi derek "qızıl statusı" bar adamdardıñ qoğamdıq nısandarğa barğanına dälel bolıp sanaladı. YAğni, karantindegi nauqastıñ sanitarlıq-epidemiologiyalıq talaptardı saqtamauı Äkimşilik kodekstiñ 802-babına säykes is qozğalıp, äkimşilik jauapqa tartıluına türtki boladı" delingen komitet habarlamasında.

Eger azamat öziniñ statusınıñ "qızıl" ekenin bile twra qorşağan ortağa qauip töndirse, oğan şamamen 87 mıñ teñge köleminde (30 aylıq eseptki körsetkiş, 205 dollar) ayıppwl salınadı.

Ereje 10 mausımda küşine enedi. Platformadağı derekter cifrlıq damu, innovaciya jäne aeroğarış önerkäsibi ministrliginde tirkeledi. Komitet bwl şaralar halıqtı indetten qorğauğa kömektesedi dep sanaydı.

"The Qazaq Times"