Qazaqstanda ötken täulikte koronavirus jwqqan 1319 anıqtaldı. Eki kün bwrınğı mälimet boyınşa, 123 adam koronavirus pnevmoniyasına şaldıqqan. 21 adam qaytıs bolğan: 18 adam - koronavirustan, 3 adam koronavirus pnevmoniyasınan köz jwmğan. Bwl aqparattı densaulıq saqtau ministrligi habarladı.

1 mausımda Qarağandı oblısında – 220, Nwr-Swltanda – 218, Almatıda – 208, Aqmola oblısında – 77, Almatı oblısında – 54, Pavlodar oblısında – 58, Batıs Qazaqstan oblısında 91 adamnan koronavirus anıqtaldı. Şımkentte – 46, Aqtöbe oblısında – 20, Atırau oblısında – 82, Şığıs Qazaqstan oblısında – 70, Jambıl oblısında – 23, Qostanay oblısında – 39, Qızılorda oblısında – 7, Mañğıstau oblısında – 53, Soltüstik Qazaqstan oblısında – 37, Türkistan oblısında 16 nauqas tirkelgen.

İndet bastalğalı beri 388 991 adamnıñ PTR testi oñ şıqqan. Qazir 26 mıñğa juığı emdelip jatır. 3992-i qaytıs bolğan.

Al 2020 jıldıñ 1 tamızınan beri koronavirus pnevmoniyasına şaldıqqandar 55 386 adamğa jetti. 3372-i qaytıs bolğan. Qazir 581-i emdelip jatır.

Densaulıq saqtau ministrliginiñ mälimetinşe, 609 nauqastıñ jağdayı auır, 139 nauqastıñ jağdayı öte auır, 84 nauqas jasandı tınıs apparatına qosılğan.

Soñğı mälimet boyınşa, 2 mln 145 mıñ adam koronavirusqa qarsı vakcinanıñ keminde bir dozasın alğan. 1 mln 96 mıñ adam eki dozasın alğan. Azamattarğa reseylik "Sputnik V", qazaqstandıq QazVac jäne qıtaylıq Sinopharm jäne "Sinovac Biotech Ltd" kompaniyasınıñ vakcinası egilip jatır.

Amerikalıq Djons Hopkins universitetiniñ dereginşe, indet bastalğalı beri älemde 171 mln 34 mıñ adamnan koronavirus anıqtalğan. 3 mln 557 mıñ adam qaytıs bolğan.

"The Qazaq Times"