قازاقستاندا وتكەن تاۋلىكتە كوروناۆيرۋس جۇققان 1319 انىقتالدى. ەكى كۇن بۇرىنعى مالىمەت بويىنشا، 123 ادام كوروناۆيرۋس پنەۆمونياسىنا شالدىققان. 21 ادام قايتىس بولعان: 18 ادام - كوروناۆيرۋستان، 3 ادام كوروناۆيرۋس پنەۆمونياسىنان كوز جۇمعان. بۇل اقپاراتتى دەنساۋلىق ساقتاۋ مينيسترلىگى حابارلادى.

1 ماۋسىمدا قاراعاندى وبلىسىندا – 220, نۇر-سۇلتاندا – 218, الماتىدا – 208, اقمولا وبلىسىندا – 77, الماتى وبلىسىندا – 54, پاۆلودار وبلىسىندا – 58, باتىس قازاقستان وبلىسىندا 91 ادامنان كوروناۆيرۋس انىقتالدى. شىمكەنتتە – 46, اقتوبە وبلىسىندا – 20, اتىراۋ وبلىسىندا – 82, شىعىس قازاقستان وبلىسىندا – 70, جامبىل وبلىسىندا – 23, قوستاناي وبلىسىندا – 39, قىزىلوردا وبلىسىندا – 7, ماڭعىستاۋ وبلىسىندا – 53, سولتۇستىك قازاقستان وبلىسىندا – 37, تۇركىستان وبلىسىندا 16 ناۋقاس تىركەلگەن.

ىندەت باستالعالى بەرى 388 991 ادامنىڭ پتر تەستى وڭ شىققان. قازىر 26 مىڭعا جۋىعى ەمدەلىپ جاتىر. 3992-ءى قايتىس بولعان.

ال 2020 جىلدىڭ 1 تامىزىنان بەرى كوروناۆيرۋس پنەۆمونياسىنا شالدىققاندار 55 386 ادامعا جەتتى. 3372-ءى قايتىس بولعان. قازىر 581-ءى ەمدەلىپ جاتىر.

دەنساۋلىق ساقتاۋ مينيسترلىگىنىڭ مالىمەتىنشە، 609 ناۋقاستىڭ جاعدايى اۋىر، 139 ناۋقاستىڭ جاعدايى وتە اۋىر، 84 ناۋقاس جاساندى تىنىس اپپاراتىنا قوسىلعان.

سوڭعى مالىمەت بويىنشا، 2 ملن 145 مىڭ ادام كوروناۆيرۋسقا قارسى ۆاكتسينانىڭ كەمىندە ءبىر دوزاسىن العان. 1 ملن 96 مىڭ ادام ەكى دوزاسىن العان. ازاماتتارعا رەسەيلىك "سپۋتنيك V", قازاقستاندىق QazVac جانە قىتايلىق Sinopharm جانە "Sinovac Biotech Ltd" كومپانياسىنىڭ ۆاكتسيناسى ەگىلىپ جاتىر.

امەريكالىق دجونس حوپكينس ۋنيۆەرسيتەتىنىڭ دەرەگىنشە، ىندەت باستالعالى بەرى الەمدە 171 ملن 34 مىڭ ادامنان كوروناۆيرۋس انىقتالعان. 3 ملن 557 مىڭ ادام قايتىس بولعان.

"The Qazaq Times"