فوتو: 3dnews

بايەر، باريست، پوستيجەر... وسى سىندى اتاۋى كۇردەلى، پايداسى وراسان جاڭا ماماندىقتار سانى ارتىپ، جاساندى ينتەللەكت زامانىندا كادەگە جاراپ وتىر. مىسالى، پاندەميا كەزىندە ءىس جۇرگىزىلەتىن ەلدىڭ زاڭناما نورمالارىن ساقتاي وتىرىپ، زاڭگەرمەن قاشىقتىقتان كەڭەسەتىن ۆيرتۋالدى ادۆوكات قىزمەتىنە سۇرانىس ارتقان. The Qazaq Times ءدال وسى سىندى جاڭا ماماندىقتاردى قاراستىرىپ كوردى.

قازىر مۇمكىندىگى شەكتەۋلى جاندارعا تولىققاندى ءومىر سۇرۋىنە جاعداي جاساپ، كومەكتەسەتىن ماماندار بار. ولار قاشىقتان جۇمىس جاساۋعا، كاسىپتىك بەيىمدىلىگىنە ساي سالانى تاڭداۋعا، جۇمىس پەن دەمالىس بارىسىن  ۇيىمداستىرۋعا اتسالىسادى (ونلاين-قوعامداستىقتار، بايلانىس پلاتفورماسى مەن ءبىلىم بەرۋ كۋرستارىن تاڭداۋ).

الەۋمەتتىك جەلىلەردە ءسىزدىڭ جەكە ءيميدجىڭىزدى قالىپتاستىرىپ، دامىتاتىن مامانداردى جەكە برەند-مەنەدجەرلەر دەپ اتايمىز. جەكە برەندتى قالىپتاستىرۋ – زاماننىڭ باستى تالابى ءارى قازىرگى بيزنەس-كوۋچينگتىڭ ماڭىزدى اسپەكتىسى. ناقتى ءبىر اۋديتورياعا ارنالعان بەينەڭىزدىڭ بولۋى باسقا مامانداردان كوش ىلگەرى تۇرىپ، قوعامدا سۇرانىسقا يە بولۋىڭىزعا دا ىقپال ەتەدى. سوندىقتان دا بۇل ماماندىق يەلەرىنە قاجەتتىلىك ارتىپ وتىر.

كراۋدفاندينگتى پلاتفورما مەنەدجەرى كراۋدفاندينگتى پلاتفورمالار جۇمىسىن ۇيىمداستىرادى، كراۋدفاندينگتى قارجىلاندىرۋعا يە بولۋ ءۇشىن، جوبالارعا الدىن الا باعالاۋ جۇمىستارىن جۇرگىزەدى. سالىمشىلار مەن جوبا يەلەرى اراسىندا كەلىسپەۋشىلىكتەر تۋىنداعان جاعدايدا ونى شەشۋمەن اينالىسادى. كراۋدفاندينگتىك جوبالارمەن جۇمىس جاسايتىن مەنەدجەر، كەڭەسشى، ماركەتولوگ ماماندار رەسەيدە ءالى تولىق قالىپتاسپاسا دا، باتىس ەلدەرىندە وتە بەلسەندى جۇمىس ىستەپ جاتقان جايى بار.

پايدالانۋشىلار قاۋىمداستىعىنىڭ مودەراتورى پايدالانۋشىلاردىڭ ونلاين-قاۋىمداستىقتارىن ۇيىمداستىرىپ، ولاردىڭ كوكەيىندەگى ويدى دىتتەگەن جەرىنە دەيىن جەتكىزۋگە كومەكتەسەدى. ولار ءۇشىن ەڭ ماڭىزدىسى — تۇتىنۋشىلار الدىندا ءادىل بولۋ (مىسالى، ءتۇرلى كونكۋرستار ۇيىمداستىرۋدا).

ءبىلىم بەرۋ ونلاين پلاتفورماسىىنىڭ ۇيلەستىرۋشىسى – ءبىلىم بەرۋ مەكەمەلەرى مەن ءبىلىم بەرۋ جوبالارى سالاسىنداعى مامان. مۇنداي مامانداردىڭ ونلاين پەداگوگيكادان حابارى بولۋى كەرەك، ويتكەنى ءتۇرلى پاندەر مەن ديستسيپلينالار بويىنشا ونلاين كۋرستار جۇرگىزەدى. كۋرستار مەن پلاتفورما اياسىندا وقىتۋشى مەن ءبىلىم الۋشىنىڭ اراسىنداعى بايلانىستى قامتاماسىز ەتەدى، سونىمەن قاتار پلاتفورما قىزمەتىن جەتىلدىرۋ جۇمىستارىمەن اينالىسادى.

مەملەكەتتىك ورگاندارمەن بايلانىس پلاتفورماسىنىڭ مودەراتورى –  قوعام بەلسەندىلەرى مەن بەلگىلى ءبىر سالاداعى ء(بىلىم بەرۋ، تۇرعىن ءۇي مەن شارۋاشىلىق، قۇرىلىس، زەينەتاقىمەن قامتاماسىز ەتۋ) شەنەۋنىكتەر اراسىندا بىرلەسكەن شەشىمدەر شىعارۋ ءۇشىن ونلاين جانە وفلاين فورماتتاعى سۇحباتتاردى ۇيىمداستىراتىن مامان.

ترەندۆوتچەر – ەكونوميكانىڭ ءتۇرلى سالالارىندا، قوعامدىق ومىردە، ساياسات پەن مادەنيەتتە جاڭا ۇردىستەردىڭ قالىپتاسۋىن، ولاردىڭ تۇتىنۋشى قاجەتتىلىگىنە دەگەن وڭ نەمەسە تەرىس اسەرىن قاداعالاپ وتىراتىن ماماندار.

"The Qazaq Times"