Almatı qalasınıñ sanitarlıq-epidemiologiyalıq baqılau jönindegi departamenti tirkelmegen Qazaqstan demokratiyalıq partiyasınıñ 24 säuirge belgilengen mitingisine baylanıstı eskertu jasadı. Departament qazir qalanıñ koronavirus boyınşa "qızıl aymaqta" twrğanın alğa tartıp, qoğamdıq şara ötkizuge tıyım salınğanın eskertti.

"Azamat J.Mamaydıñ mitingige şığu turalı şaqıruına oray, Almatı qalasınıñ sanitarlıq-epidemiologiyalıq baqılau jönindegi departamenti qalanıñ koronavirus boyınşa "qızıl aymaqta" ekenin, sol sebepti qalada qoğamdıq şara ötkizuge tıyım salınğanın eskertedi. Mwnday tıyım Almatı qalasınıñ bas sanitar därigeriniñ 2 säuirde şıqqan N15 qaulısında aytılğan" delingen  SES habarlamasında.

Al Janbolat Mamay bwl eskertu "jer üşin ötetin mitingini toqtatuğa sebep bola almaydı" degen oyda.

– Bekşinniñ sözi, SES-tiñ sözi bizdiñ mitingini toqta almaydı. Qazaq jerine qauip tönip twrğanda, üyde qarap jata almaymız. Qalay bolğanda da erteñ mitingi mindetti türde ötedi, – deydi tirkelmegen Qazaqstan demokratiyalıq partiyasınıñ jetekşisi Mamay Qazaq Times tilşisine.

Onıñ sözinşe, mitingi ötkizu jaylı äkimdikke eskertu jasalğan.

Bwğan deyin Janbolat Mamay barşa qazaqstandıqtı jerdi şeteldikterge jalğa bermeudi talap etip, 24 säuirde  mitingige şığuğa şaqırğan edi. Mamaydıñ aytuına qarağanda, mitingige şığuğa sebep – mäjiliste maqwldanıp, senatta qaralıp jatqan jer turalı zañ jobasında orman şaruaşılığımen aynalısu üşin şeteldikterge jer berudi közdeytin baptıñ boluı.