"Eurovidenie" Europalıq habar taratu odağı Resey 2017 jılğı halıqaralıq än bayqauına qatısa almaydı dep habarladı. Bwl jöninde "Eurovidenie" än bayqauın wyımdastıruşılardıñ resmi mälimdemesinde aytılğan.

Onda reseylik änşi YUliya Samoylovanı Ukrainağa kiruge tıyım salğannan keyin, Europalıq habar taratu odağı Reseyge eki balama wsınğan. Birinşisi — bayqauğa qaşıqtıqtan qatısu, ekinşisi — özge ümitkerdi jiberu. Eki wsınıstı da "Pervıy kanal" qabıldamay, bayqaudı taratudan bas tartqan. Bwl Reseydiñ osı jılı "Evrovidenie" än bayqauına qatısa almaytının bildiredi.

Osığan deyin Resey halıqaralıq bayqauğa qatısu üşin änşi YUliya Samoylovanı "Flame is Burning" änin tañdap alğan. Ol bala kezde ekpe dwrıs salınbağandıqtan, arbağa tañılğan.

22 naurızda Ukrainanıñ qauipsizdik qızmeti änşini eline keluge üş jılğa tıyım salğan. Sebebi ol Ukraina zañın bwzıp, 2015 jılı anneksiyalanğan Qırımda koncert qoyğan. "Eurovidenie" bayqauınıñ wyımdastıruşıları Ukrainanıñ şeşimine köñili tolmaytındarın aytqan. Kreml' bwl şeşimdi sayasilanğan dep atağan.

“The Qazaq Times”