"ەۋروۆيدەنيە" ەۋروپالىق حابار تاراتۋ وداعى رەسەي 2017 جىلعى حالىقارالىق ءان بايقاۋىنا قاتىسا المايدى دەپ حابارلادى. بۇل جءونىندە "ەۋروۆيدەنيە" ءان بايقاۋىن ۇيىمداستىرۋشىلاردىڭ رەسمي مءالىمدەمەسىندە ايتىلعان.
وندا رەسەيلىك ءانشى يۋليا سامويلوۆانى ۋكرايناعا كىرۋگە تىيىم سالعاننان كەيىن، ەۋروپالىق حابار تاراتۋ وداعى رەسەيگە ەكى بالاما ۇسىنعان. ءبىرىنشىسى — بايقاۋعا قاشىقتىقتان قاتىسۋ، ەكىنشىسى — وزگە ۇمىتكەردى جىبەرۋ. ەكى ۇسىنىستى دا "پەرۆىي كانال" قابىلداماي، بايقاۋدى تاراتۋدان باس تارتقان. بۇل رەسەيدىڭ وسى جىلى "ەۆروۆيدەنيە" ءان بايقاۋىنا قاتىسا المايتىنىن بىلدىرەدى.
وسىعان دەيىن رەسەي حالىقارالىق بايقاۋعا قاتىسۋ ءۇشىن ءانشى يۋليا سامويلوۆانى "Flame is Burning" ءانىن تاڭداپ العان. ول بالا كەزدە ەكپە دۇرىس سالىنباعاندىقتان، ارباعا تاڭىلعان.
22 ناۋرىزدا ۋكراينانىڭ قاۋىپسىزدىك قىزمەتى ءانشىنى ەلىنە كەلۋگە ءۇش جىلعا تىيىم سالعان. سەبەبى ول ۋكراينا زاڭىن بۇزىپ، 2015 جىلى اننەكسيالانعان قىرىمدا كونتسەرت قويعان. "ەۋروۆيدەنيە" بايقاۋىنىڭ ۇيىمداستىرۋشىلارى ۋكراينانىڭ شەشىمىنە كوڭىلى تولمايتىندارىن ايتقان. كرەمل بۇل شەشىمدى ساياسيلانعان دەپ اتاعان.
“The Qazaq Times”
جازۋشىلار وداعى جاڭا توراعا سايلادى. ول «جازۋشىلار وپپوزيتسيا بولماسىن!» دەدى
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
باقىتجول كاكەش. التايدا قالعان اقيىق
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
ينتەللەكتۋالدى پوەتيكالىق دراما. «9 گرامم»
نازارباەۆ "قۇرمەتتى سەناتور" اتاعىنان ايىرىلدى