A. Naval'nıy. Foto: Gazeta.ru

Birneşe aydan beri qamauda otırğan Reseydiñ oppoziciyalıq sayasatkeri Aleksey Naval'nıy özine Qwran kitaptı oquğa bermegeni üşin özi qamauda otırğan koloniyanı sotqa berdi. Bwl jaylı sayasatkerdiñ Instagram paraqşasında mwsılmandar üşin qasietti ay sanalatın Ramazannıñ alğaşqı küni, 13 säuirde  jariyalandı. 

"Mağan Qwran kitabımdı bermey jatır. Jınıña tiedi. Meni jañadan türmege otırğızğan kezde öz-özimdi damıtu üşin tizim qwrastırğanmın. Sondağı punkterdiñ biri: Qwran men Payğambar Sünnetin tereñ zerttep, tüsinu bolatın" dep jazdı Naval'nıy.

Bügin jariyalanğan posta sayasatkerdiñ türme äkimşiliginiñ üstinen jazğan jazbaşa arızınıñ da fotosı bar. Degenmen Reseydiñ aqparat qwraldarı äzirge sot saytınan Naval'nıydıñ şağımın taba almağan.

Kreml' sınşısı Aleksey Navalnıy qañtar ayınan beri qamauda otır. 2 aqpanda Mäskeudiñ Simonov sotı Aleksey Naval'nıydı 2013 jılı "Iv Roşe isi" boyınşa şıqqan şarttı jaza erejelerin orındamadı degen ayıp tağıp, oğan türme jazasın kesken.

"The Qazaq Times"