بىرنەشە ايدان بەرى قاماۋدا وتىرعان رەسەيدىڭ وپپوزيتسيالىق ساياساتكەرى الەكسەي ناۆالنىي وزىنە قۇران كىتاپتى وقۋعا بەرمەگەنى ءۇشىن ءوزى قاماۋدا وتىرعان كولونيانى سوتقا بەردى. بۇل جايلى ساياساتكەردىڭ Instagram پاراقشاسىندا مۇسىلماندار ءۇشىن قاسيەتتى اي سانالاتىن رامازاننىڭ العاشقى كۇنى، 13 ساۋىردە جاريالاندى.
"ماعان قۇران كىتابىمدى بەرمەي جاتىر. جىنىڭا تيەدى. مەنى جاڭادان تۇرمەگە وتىرعىزعان كەزدە ءوز-ءوزىمدى دامىتۋ ءۇشىن ءتىزىم قۇراستىرعانمىن. سونداعى پۋنكتەردىڭ ءبىرى: قۇران مەن پايعامبار سۇننەتىن تەرەڭ زەرتتەپ، ءتۇسىنۋ بولاتىن" دەپ جازدى ناۆالنىي.
بۇگىن جاريالانعان پوستا ساياساتكەردىڭ تۇرمە اكىمشىلىگىنىڭ ۇستىنەن جازعان جازباشا ارىزىنىڭ دا فوتوسى بار. دەگەنمەن رەسەيدىڭ اقپارات قۇرالدارى ازىرگە سوت سايتىنان ناۆالنىيدىڭ شاعىمىن تابا الماعان.
كرەمل سىنشىسى الەكسەي ناۆالنىي قاڭتار ايىنان بەرى قاماۋدا وتىر. 2 اقپاندا ماسكەۋدىڭ سيمونوۆ سوتى الەكسەي ناۆالنىيدى 2013 جىلى "يۆ روشە ءىسى" بويىنشا شىققان شارتتى جازا ەرەجەلەرىن ورىندامادى دەگەن ايىپ تاعىپ، وعان تۇرمە جازاسىن كەسكەن.
يراننىڭ رۋحاني كوسەمى: سوڭعى نارازىلىقتار كەزىندە مىڭداعان ادام قازا تاپتى
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
وقپەن باسىلعان قاڭتار: يراندا بيلىك حالىقتى قارۋمەن باسىپ جاتىر
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
ۆەنەسۋەلاداعى اسكەري وپەراتسيا: ترامپتىڭ مالىمدەمەسى جانە ايماقتىق تۇراقسىزدىق تاۋەكەلى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى