Foto: Times Ofisrael

Qıtay sırtqı ister ministri Van I habarlama jariyalap, resmi Pekinniñ Şığıs Ierusalimdi astana etken derbes Palestinanıñ qwrıluın quattaytındığın mälimdedi. Osıdan bwrın Palestinanıñ Sırtqı ister ministri Riyad äl-Maliki resmi saparlay kelip, Qıtay Sırtqı ister ministrimen kezdesken bolatın. Bwl turalı «Anatolı» aqparattıq agenttiginiñ resmi saytı habarlaydı.

Qıtay sırtqı ister ministri Van I 1967 jılğı şekaranıñ negizinde Şığıs Ierusalimdi astana etken twtastıqtağı bir Palestinanıñ qwrıluın quattaytının ayta kelip: «Beybitşilik kelissözder men eki jaqtı senimge köleñke tüsiretin talpınıstardı tez arada joyu kerek. Jazıqsız adamdar nısanağa alınğan zañsızdıq pen jaña twrğın aymağı qwrılıstarı tez arada toqtatıluı qajet», – dedi. Sonımen birge Izrail' basqınşılığındağı  Palestina jeri mäselesi BWW Qauipsizdik keñesiniñ nazarında qalpına keltirilui kerek ekenin, bwnıñ dünie beybitşiligi üşin asa özektiligin de atap ötti.

Qıtaydıñ Palestina azattığın qoldauı Izrail'-Palestina arasındağı qaqtığıstar men sayasi tirester, sonday-aq, Orta-Şığıs elderi üşin mañızdı bolıp sanaladı. Qazirgi künde Palestina azattığın quattauşı elder künnen-künge köbeyip keledi. Osı turalı Iran «Palestinanı azat etu» qozğalısına basşılıq etip otır.

Palestina jaq 1967 jılğı şekaralıq kelisim Palestin-Izrail' arasındağı qaqtığıstı joyatın birden bir şeşim ekenin alğa tartuda. Bwl jolı Palestina sırtqı ister ministri äl-Maliki Palestina azattığı mäselesi jolında Qıtaydıñ mañızdı röl atqaruın swrandı.

“The Qazaq Times”