Atamqwlov pen Uañ I Beyjiñde kezdesti. Foto: QR SİM resmi saytı.

Keşe Qazaqstan SİM basşısı Beybit Atamqwlov Beyjiñde Qıtay sırtqı ister ministri Uañ Imen kelissöz ötkizdi. Kelissöz barısında eki eldiñ sırtqı sayasi vedomstvo basşıları sauda-ekonomikalıq jäne mädeni-äleumettik salalardağı ıntımaqtastıqtı damıtuğa kelisti.

Atamqwlov kezdesude Qazaqstannıñ işki sayasi özgeristeri eldiñ sırtqa qaratqan sayasatına äser etpeytinin, Qıtaymen bwğan deyingi qarım-qatınastı jalğastı saqtap, äri onı damıtatının jetkizgen.

Eki eldiñ resmi ökilderi kelissöz kezinde Qıtayda twratın qazaqtardıñ mäselesi turalı da talqılağan. Bwl rette eki eldiñ Sırtqı ister ministrlikteri tuındağan jäne tuındauı mümkin mäselelerdi şeşuge özara mümkindikter bermek. Naqtı qanday mümkindiktermen almasatını turalı QR SİM tarabı anıq mälimet bermegen. Degenmen, bwl Qıtay qazaqtarınıñ mäselesin şeşudegi jaña mümkindik deuge boladı. Sonday-aq, konsuldıq qızmetterdiñ önimdiligin tipti de joğarlata tüsuge kelisken.

Kezdesudiñ qortındısı retinde Qazaqstan-Qıtay sırtqı sayasi vedomstvoları 2020-2022 jıldarğa arnalğan Intımaqtastıq turalı memorandumğa qol qoyıstı.

“The Qazaq Times”