Arab elderiniñ basşıları Uaşington biliginiñ qalauımen dayındalıp jatqan palestinalıqtar men izrail'dikterdiñ ara-qatınastarın retteuge bağıttalğan «Ğasır kelisimşartı» attı qwjatqa qarsı. Bwl turalı Palestina basşısı Mahmwd Abbas habarladı, dep jazadı «evrensel.net» aqparat qwralı.

«Bizdiñ arab bauırlarımız osı bir «Ğasır kelisimşartı» dep atalatın qwjatqa qarsı ekendikterin ayttı», - degen palestinalıq basşınıñ sözinşe, Europanıñ, Aziyanıñ jäne Afrikanıñ birqatar elderi de osınday kelisimşarttıñ jasaluı mümkin emes dep sanaydı. Aqparat qwraldarınıñ habarlarına qarağanda, «Ğasır kelisimşartı» Şığıs Ierusalimniñ Izrail'ge beriluin qarastıradı. Sonımen qatar Iordan özeniniñ Batıs jağalauındağı kezinde zañsız qwrılğan izrail'dik eldimekenderdiñ auqımdı böliginiñ saqtaluına da bağıttalğan. Onıñ üstine, atalğan kelisimşartta 5,9 mln. palestinalıq bosqındarğa öz jerleriniñ qaytarıluı turalı mäselege eşqanday orın berilmegen. Bärimizge belgili, Gaza sektorında palestinalıqtar men izrail'dik äskerilerdiñ arasında köpten beri jer dauı bitpey keledi. Endi, Palestina jağı osı qwjat arqılı özderiniñ zor şığınğa wşıraytındıqtarın aytıp, halıqaralıq odaqtardıñ bwl iske aralaspauın, Uaşington ükimetiniñ atalğan mäselege bağıttalğan kelisimşartına qol qoymaytındıqtarın da mälimdeude. Olardıñ aytularınşa, atalğan kelisimşartta palestinalıqtardıñ müddesin qorğaytın birde-bir punkt joq.

“The Qazaq Times”