Foto: businessfm.kz

Qazaqstanda epidahual äli de mäz emes. Pandemiyanıñ üşinşi tolqını bastalalı, «qızıl aymaqta» 1 millionnan astam halqı bar iri qalalar – Almatı men astananı qosa alğanda, 16 öñirdiñ 8-i engen. Karantin şekteuleri birde qatañdatılıp, birde jeñildeytin Qazaqstandağı ahualğa toqtalğan DW nemis basılımı el biliginiñ pandemiyamen küresi «paradoksqa tolı» bolğandıqtan, halıqtıñ ükimetke senimi azayğanın aytadı.

Resmi derekter boyınşa, pandemiya bastalğannan beri Qazaqstanda 256 837 koronavirus infekciyası jäne PTR-testiniñ teris körsetkişi bar 50 839 koronavirustıq pnevmoniya auruı tirkelgen. Säuirdiñ birinşi aptasında künine orta eseppen 1988 infekciya tirkelgen, onıñ işinde kün sayın 560-tan astam koronavirus infekciyası Almatığa jäne 300-i astanağa tiesili.

Osığan baylanıstı bükil el boyınşa säuirdiñ ortasına deyin karantindik şekteuler engiziletini jariyalandı. Üylenu toyları, mereytoylar, korporativter, mitingiler men şeruler siyaqtı köpşilik seruender men is-şaralarğa tıyım salındı. Sport sekciyalarınıñ, kinoteatrlardıñ, mwrajaylardıñ, teatrlardıñ, tüngi jäne komp'yuterlik klubtardıñ, sonday-aq jabıq ğimarattardağı fitnes-ortalıqtar men attrakciondardıñ jwmısı da toqtatıldı.

Densaulıq saqtau ministrligi koronavirustıq infekciya diagnozımen auruhanağa jatqızılğan nauqastardıñ sanı qazirgi uaqıtta 2020 jılğı mausım-şildedegi körsetkişten joğarı ekenin habarladı. Sol kezde Qazaqstanda auruhanalarda orındardıñ, däri-därmekter men ottegi ballondarınıñ jetispeuinen qaytıs bolğandar sanı arttı.

Bwl jolı barlıq oblıstıq qoğamdıq densaulıq basqarmalarınıñ aqparatı boyınşa, «ötken jıldıñ qatelikteri tolığımen eskerildi». Mısalı, Almatı men astanadağı azamattıq Densaulıq saqtau basqarmasına kovidpen auıratın nauqastarğa arnalğan stacionarlar ornatu üşin äskeri gospital'dardı beru tapsırıldı. Sonday-aq, Almatıda koronavirus infekciyasın jwqtırğandardı qabıldau üşin eñ iri sport keşenderiniñ biri «Halıq-Arena» stadionın qayta jabdıqtap, onda 1000 orınğa deyin tösek-orın ornalastırılatını habarlandı.

Asa qajet bolğan jağdayda radiaciyalıq, himiyalıq jäne biologiyalıq qorğau äskerleriniñ bölimşeleri äleumettik mañızı bar ob'ektilerdi dezinfekciyalay bastaydı.

5 säuirde Almatıda bas memlekettik sanitarlıq däriger Jandarbek Bekşin sauda, oyın-sauıq ortalıqtarınıñ, qoğamdıq tamaqtandıru jäne twrmıstıq qızmet körsetu käsiporındarınıñ qızmetin qayta jandandırudı maqwldadı. Naurızdıñ ortasınan bastap karantin jeñildetilgenmen, koronavirus keysteriniñ kürt ösui tirkeldi.

Qazaqstan densaulıq saqtau ministrliginiñ resmi aqparatına säykes, 6 säuirge deyin 195 000 adam ekpe qabıldağan. Bwl rette DenMin birinşi jäne ekinşi kezeñde vakcina alğan adamdardıñ sanın atağan joq. Sebebi Qazaqstanğa qay memleketten vakcina jetkiziletini äzirge belgisiz.

1 säuirde Ükimet otırısında Toqaev Densaulıq saqtau ministri men Ministrler Kabinetiniñ basqa müşelerine, eger jappay vakcinaciyağa qatıstı jağday özgermese, «kadrlıq özgerister» bolatının eskertti. bwğan deyin otandıq «Qaz covid-in» vakcinasın qabıldauğa uäde bergen Toqaev küni keşe reseylik «Sputnik-V» ekpesin qabıldadı. Bwl da öz kezeginde bilikke senimsizdikti arttıra tüsken.

Elde pandemiya kezinde dağdarıstıñ artuın sarapşılar jedel äri sapalı reakciya bildiretin tiimdi sayasi instituttardıñ bolmauı men jemqor bilik sayasatımen baylanıstıradı. Halıqtıñ bilikke degen senimsizdiginiñ artuı da osıdan deydi sarapşılar.

"The Qazaq Times"