Foto: https://cdn23

Almatıdağı wşaq apatınan tiri qalğan eki ekipaj müşesine ota jasaldı. Qazir olardıñ jağdayı twraqtı auır.

13 naurızda Almatı äuejayına qonar sätte Qazaqstan wlttıq qauipsizdik komiteti aviaciya qızmetiniñ wşağı An-26 apatqa  wşıradı. Wşaq işinde altı ekipaj müşesi bolğan. Onıñ törteui oqiğa ornında qaza taptı. Ekeui auır hälde auruhanağa jetkizildi.

Wlttıq qauipsizdik komiteti qaza tapqan äskeri qızmetkerlerdiñ atı-jöni men lauazımın jariyaladı:

Mayor Barlıqbaev Ğabit Esimdewlı, 1984 jılı 19 qazanda tuğan, Aviaciya böliminiñ şturmanı;

Kapitan Baymwratov Dosjan Ğalımbekwlı, 1985 jılı 15 jeltoqsanda tuğan, Aviaciya bölimi wşu tobınıñ bort tehnigi;

Ağa leytenant Sağımbaev Mwhtar Qajımwqanwlı, 1994 jılı 24 qaraşada tuğan, Aviaciya bölimi wşu tobı ekipajınıñ şturmanı;

Serjant Vasil'kov Evgeniy Borisoviç, 1985 jılı 10 qaraşada tuğan, Aviaciya bölimi wşu tobınıñ ağa bort mehanigi.

AN-26 wşağı 1947 jılı 31 tamızda alğaş äuege köterilgen. Al 1973 jılı Keñes Odağında iske qosılğan.

Äue kemesiniñ tehnikalıq sipattaması mınaday:

Tasımaldau quatı – 5,6 tonna;

Qalıptı köteru salmağı – 23 tonna;

Maksimaldı köteru salmağı – 24 tonna;

İşki baktardağı otınnıñ kölemi 7 tonnanı qwraydı;

Joğarı jıldamdığı – 540 km/sağ.

Qanat aralığı – 29,2 metr;

Wşaqtıñ wzındığı – 23,8 metr;

Biiktigi – 8,6 metr;

Sıyımdılığı 40 adamğa deyin.

"The Qazaq Times"