Almatı äuejayınıñ mañındağı 191 jer telimi zañsız satılğan. QR Sıbaylas-jemqorlıqpen küres qızmeti osılay dep mälimdedi.

Resmi mälimetke sensek twrğın üyler salu üşin satılğan jer telimderiniñ kölemi 12,7 ga qwraydı eken. Habarlamada aytılğanday, Panfilov auıldıq okruginiñ bwrınğı äkiminiñ bastamasımen qwrılğan qılmıstıq top memlekettik qordağı jer telimderin zañsız jolmen iemdenip, satılımğa şığarğan.

2019 jıldıñ 27 jeltoqsanında  “Bek Air”  äue kompaniyasınıñ jolauşılar mingen wşağı Almatı äuejayınan wşıp şıqqan sätte apatqa wşırap, zañsız salındı dep tanılğan twrğın üyge soqtığısqan bolatın. Osı oqiğadan keyin Panfilov auıldıq okruginiñ eks-äkimi Nwrğali Appazovtıñ üstinen äuejey mañındağı jerlerdi sattı degen küdikpen qılmıstıq is qozğalğan. Keyinirek küdiktiler qatarına Eñbekşiqazaq audanı äkiminiñ orınbasarı da ilindi. Qazir Talğar audandıq äkimdiginiñ jauaptı qızmetkerlerine qatıstı tergeu jwmıstarı jürgizilip jatır delingen resmi mälimdemede.

Ötken jıldıñ 28 jeltoqsanında bolğan wşaq apatınan 12 adam qaza tauıp, 49 adam jaraqat alğan edi. Ekspertizanıñ nätijesi boyınşa apatqa wşaqtağı tehnikalıq aqau sebep bolğan. “Bek Air”  äue kompaniyasınıñ basşılığı eger jolda zañsız salınğa üy bolmağanda, apattan eş şığınsız şığuğa bolatın edi dep, twrğın üydiñ iesimen sottasqan bolatın. Qwzırlı organdardıñ zañsız jer telimderine nelikten apatqa deyin nazar audarmağandağı äli de tüsiniksiz.

"The Qazaq Times"