Фото: https://cdn23

Алматыдағы ұшақ апатынан тірі қалған екі экипаж мүшесіне ота жасалды. Қазір олардың жағдайы тұрақты ауыр.

13 наурызда Алматы әуежайына қонар сәтте Қазақстан ұлттық қауіпсіздік комитеті авиация қызметінің ұшағы Ан-26 апатқа  ұшырады. Ұшақ ішінде алты экипаж мүшесі болған. Оның төртеуі оқиға орнында қаза тапты. Екеуі ауыр хәлде ауруханаға жеткізілді.

Ұлттық қауіпсіздік комитеті қаза тапқан әскери қызметкерлердің аты-жөні мен лауазымын жариялады:

Майор Барлықбаев Ғабит Есімдеұлы, 1984 жылы 19 қазанда туған, Авиация бөлімінің штурманы;

Капитан Баймұратов Досжан Ғалымбекұлы, 1985 жылы 15 желтоқсанда туған, Авиация бөлімі ұшу тобының борт технигі;

Аға лейтенант Сағымбаев Мұхтар Қажымұқанұлы, 1994 жылы 24 қарашада туған, Авиация бөлімі ұшу тобы экипажының штурманы;

Сержант Васильков Евгений Борисович, 1985 жылы 10 қарашада туған, Авиация бөлімі ұшу тобының аға борт механигі.

АН-26 ұшағы 1947 жылы 31 тамызда алғаш әуеге көтерілген. Ал 1973 жылы Кеңес Одағында іске қосылған.

Әуе кемесінің техникалық сипаттамасы мынадай:

Тасымалдау қуаты – 5,6 тонна;

Қалыпты көтеру салмағы – 23 тонна;

Максималды көтеру салмағы – 24 тонна;

Ішкі бактардағы отынның көлемі 7 тоннаны құрайды;

Жоғары жылдамдығы – 540 км/сағ.

Қанат аралығы – 29,2 метр;

Ұшақтың ұзындығы – 23,8 метр;

Биіктігі – 8,6 метр;

Сыйымдылығы 40 адамға дейін.

"The Qazaq Times"