2021 jılı 10 qañtarda Qazaqstan boyınşa, mäjilis pen mäslihattar saylauı ötti. Sayasi nauqan barısında saylau uçaskeleri tarapınan täuelsiz bayqauşılar men baqılauşılardıñ qatısuına, aqparat qwraldarınıñ keybir ökilderiniñ habar taratuına ärtürli kedergiler jasaldı. Biraq Bas prokuratura mwnı «bolmaşı zañbwzuşılıqtar» dep atadı.

Düysenbige qarağan tüni üş birdey wyım esebi osı uaqıtqa deyin saualnama qorıtındılarına säykes keletin ekszit-pol mälimetin jariyaladı.

«Qoğamdıq pikir» ğılımi-zertteu institutı, KTK telearnasınıñ tapsırısı boyınşa «Demokratiya institutı» ğılımi-zertteu associaciyası QB jäne «Astana» telearnasınıñ tapsırısımen «Astana Zertteu» kompaniyası ekszit-poll qorıtındısın wsındı. Barlığınıñ esebi bir-biriniñ «auzına tükirip qoyğanday», ayna-qatesiz wqsas.

Aşıq dereközderdegi mälimetterge qarağanda, äleumettik zertteu-saualnama jäne ekzit-poll jürgizuge rwqsat alğan «Astana-Zertteu» qoğamdıq qorı men «Qoğamdıq pikir» zertteu institutınıñ tabısı saylau qarsañında aytarlıqtay molayğan.

Bwğan deyin bilik partiyasınıñ tapsırısı boyınşa «Astana-Zertteu» qoğamdıq qorı jwrtşılıqqa saualnama jürgizip, respontentterdiñ 74,2%-ı Nur Otan-dı tañdağanın habarlağan. Sonımen qosa, Twñğış prezident küni qarsañında aqordaşıl sayasattanuşı, Nur Otan müşesi äri eñ beldi nasihatşısı, aldağı saylauda mäjilis deputattığına ümitker Erlan Sayırov özi basqaratın Euraziyalıq integraciya institutıñ osı taqilettes zertteuinde bilik partiyasına pikir bildiruşilerdiñ 72,3%-ı dauıs bergeni aytıldı.

Joğarıdağı körsetkiştermen sarındas sarındas esepti «Qoğamdıq pikir» zertteu institutı da qaraşa ayında jariyalağan: Nazarbaev basqaratın partiyanıñ ülesi ädettegidey 72,1% körsetken-mis.

Bir qızığı, eşbir zertteu wyımınıñ qorıtındısında Nur Otan-nan özge birde-bir partiya 7%-ğa jete almağan.

Birneşe jıldan beri ekzitpol jürgizip kele jatqan «Strategiya» äleumettik-sayasi zertteu ortalığı men «Sandj» ortalığın biıl tizimge engizbey qoyğan. Bwl  wyımdardıñ jetekşileri men täuelsiz sarapşıları ekzitpolğa rwqsat berilgen  wyımdardıñ bilik qolayına «jağatın» qorıtındı şığararın, zertteudiñ ob'ektivtiligi kümän tudıratının aytadı.

“The Qazaq Times”