Qazaqstan tarihındağı prezidenttik 27-şi joldaudı Toqaev oqıdı. Foto: Aqorda

Särsenbi küni ötken Ükimet otırısında qarjı ministri Erwlan Jamaubaev lauazımdı şeneunikterdiñ otbası müşelerine şeteldik şottardı aşuğa tıyım salınatının habarladı.

Ministr köleñkeli ekonomikağa qarsı küres şarası jürip jatır dep sendredi.

«Köleñkeli ekonomikağa qarsı is-qimıl jönindegi jospar özektendiriledi jäne offşorlıq yurisdikciyalarğa aqşalay audarım böligi boyınşa zañnama jetildiriledi.  ...Ekonomikalıq ıntımaqtastıq jäne damu wyımı (EIDW) elderiniñ salıq organdarı arasında aqparat almasu ayasında QR rezidentteriniñ qarjılıq şottarı turalı mälimetter taldanbaq. Salıqtıq jäne kedendik äkimşilendirudi cifrlandıru boyınşa jwmıs jandandırıldı. Astana-1, Elektrondıq şot-fakturalar jüyesi jäne Virtualdı qoyma iske qosıldı. Bwdan basqa, temeki jäne alkogol' önimderin tañbalau pilottıq joba retinde jürgiziledi jäne onlayn-baqılau kassalıq maşinaları (BKM) engizildi», – dedi Jamaubaev.

Ministrlik FATF wsınımdarın engize otırıp, memlekettik jäne kvazimemlekettik sektordıñ lauazımdı twlğalarına jäne olardıñ otbası müşelerine şeteldik şottardı aşuğa tıyım salmaq.

Sonday-aq, aldağı uaqıtta salıq organdarı käsipkerlik suyu'ektilerdiñ  tüpkilikti beneficiarları turalı mälimetterdi aluğa mümkindik beretin zañnamanı bekitedi.

1 qırküyek Qazaqstan prezidenti Toqaevtıñ halıqqa arnağan joldauında şetelde esep şotı bar memlekettik qızmetşiler, deputattar men sud'yalar qızmetten bosatılatının aytqan. Sonımen qosa,  eger qazaqstandıq şeneunikter nemese kvazimemlekettik sektor qızmetkerlerinde qos azamattıq anıqtalsa, birden ornın bosatadı-mıs.

İşki ister vice-ministri Marat Qojaevtıñ dereginşe, 2019 jılı elde qos azamattığı bar 500 adam anıqtalğan. Sırt elde azamattığı bar adamnıñ köbinde bölek esep şotı bolatını anıq.

“The Qazaq Times”