Körneki suret. Foto: kapital.kz

2016 jılı jerge baylanıstı ötken mitingterde halıq jerdi dauımen qatar Qıtay zauıttarın Qazaqstanğa köşiruge de qarsı şıqqan. Bwl narazılıq 2019 jılı da qayta üdep, respublika köleminde azamattar qarsılıq bildirgen jiındar jiilegen edi. Soğan qaramastan, Qıtay 2023 jılğa deyin Qazaqstanda 56 käsiporın salatın boldı. Beyjiñ kapitalı negizinde salınatın käsiporınnıñ jalpı qwnı – 24,5 mlrd dollar.

Sauda jäne industriya ministrligi jaryalanğan mälimet boyınşa, 2005-2020 jıldar aralığında Qıtay Qazaqstanğa 19,2 mlrd dollardan astam infesticiya qwyğan. Sonımen qatar Industriyalıq-investiciyalıq ıntımaqtastıq bağdarlaması ayasında $ 24,5 mlrd-qa 56 zamanaui käsiporın salu josparlanğan.

1 naurızda QR Sauda jäne industriya vice-ministri Qayrat Törebaev pen QHR Kommerciya vice-ministri Van Şouvenmen kezdesken.

Bwrınğı prezident Nazarbaev 2019 jılı bilikten ketkennen keyin memlekettik BAQ-ta Qıtay zauıttarına qatıstı mälimdeme jasağan.

Sol jılı «Qıtaydan qorqa berudiñ qajeti joq» ekenin aytqan Nazarbaev: «Qazir men «Qıtay bizdi basıp alıp jatır» degendi estip jürmin. Qay jerde basıp alıp jatır? Meniñ Qıtay biligimen kelisimim bar. Biz Qazaqstan-Qatay birikken käsiporınan salarda taraptar qanşa jwmısşı keletini jöninde kelisimge qol qoyadı. Qwrılıs ayaqtalğannan keyin olar keri qaytadı. Qorqa berudiñ qajeti joq. Bwl zauıttardı köşiru emes, biz özimizge kerekti zamanaui käsiporındardı tañdadıq. Bizge investiciya kim beredi? Qazir mwnday qarjı Qıtayda ğana bar. Biz bwnı paydalanuımız qajet», – degen.

2019 jılı Qazaqstannıñ Qıtayğa qarızı 11 milliard dollar bolğan. Qazaqstanda anti-qıtaylıq köñil-küy äli künge deyin örşip twr. Ol auıq-auıq mitingterge wlasıp twradı.

"The Qazaq Times"