Germaniyanıñ Myunhen qalasında jıl sayınğı qauipsizdik jönindegi 57-şi halıqaralıq konferenciya ötti. Pandemiyağa baylanıstı onlayn formatta wyımdastırılğan jiında Qıtay, Resey jäne Tayau Şığıs ökilderi boy körsetpedi.
Qauipsizdik jönindegi Myunhen halıqaralıq konferenciyası alğaş ret 1963 jılı ötken bolatın. Bwl jolı basqosuğa tek AQŞ, Germaniya, Franciya başıları men Euroodaq jäne NATO ökilderi qatıstı.
Kezdesude koronavirus indeti, klimattıñ özgerui, lañkestik sındı ğalamdıq mäseleler talqılandı. Sonımen qatar, jiında Eurokomissiya basşısı Ursula Fon Der Lyayen klimattıñ özgeruimen küreste Europa men AQŞ-tı küş biriktiruge şaqırdı.
Ursula Fon Der Lyayen mälimdemesinde: «Biz cifrlıq ekonomika üşin ortaq erejeler dayındap şığarumız kerek. Ol adam qwqığı men aşıqtıqqa negizdelui tiis. Sebebi alpauıt kompaniyalardıñ demokratiyamızğa äser etetin äreketterin baqılausız qaldıruğa bolmaydı. Feysbuktıñ Avstraliyağa qatıstı şeşimi osınıñ bir däleli», – dep atap ötti.
Eurokomissiya basşısınıñ aytuınşa, cifrlıq narıqtı damıtu salasında jaña is-äreketterdi qolğa alu qajet. Bwl iri tehnologiyalıq kompaniyalardıñ ıqpalın baqılauğa kömektesedi.
AQŞ pen Iran kelissözi qayta jalğaspaq: Doha kezdesui şielenisti bäseñdete me?
Ukraina-Resey soğısı «energetikalıq duel'ge» aynalıp ketti
Memorandumnıñ küyreui: Parsı şığanağındağı dauıl&älemdik tärtiptiñ sın sağatı soğıp twr
Ormuz dağdarısı: AQŞ pen Iran arasındağı uaqıtşa bitim nege tez bwzıldı?
Erejesiz älem: Jahandıq wltşıldıq pen resurstar soğısı
Ormuz dağdarısı jäne köppolyarlı älemniñ tuuı: «Qırği qabaq soğıstan» da qauipti jaña teketires