Resey men Qazaqstan prezidentteri. Foto: cdn.tvc.ru

Qasım-Jomat Toqaev pen Vladimir Putin telefon arqılı söylesti. Bwl jolı taraptar öz ükimetteriniñ pandemiyağa qarsı küresine oñ bağa berip, reseylik vakcinanı Qazaqstanğa jetkizu turalı kelisimge kelgen. Öz ündeuinde «Qazaqstan medicinası pandemiyağa dayın bolmağanın» aşıq moyındağan ekinşi prezidenttiñ Putinmen äñgimesinde ükimet jwmısın joğarı bağağa layıq dep tanuı sayasattağı paradokstardıñ bir parası sındı.

Aqordanıñ habarlauınşa, Putin Toqaevtıñ Euraziyalıq integraciyanı nığaytu boyınşa josparlarına qoldau bildirgen. Sonımen qatar, taraptar ekijaqtı ıntımaqtastıq mäselelerin talqılağan.

Bir qızığı, qos prezident te resmi söylesu kezinde Resey men Qazaqstannıñ koronavirusqa qarsı küres şaralarına rizalığın bildirgen. Alayda, «otşaşu dauınan» keyin 8 şildede Toqaev el medicinasınıñ pandemiyağa dayın bolmağanın moyındağan bolatın. Sol küni ekinşi prezident Qazaqstandağı ahualdıñ kürt naşarlauına «eks-ministr qızmetindegi qatelikter, halıqtıñ saqtıq şaraların saqtamauı» sebep bol ğanın aytıp, 13 şildeni Wlttıq aza küni dep jariyalağan.

Pandemiya bastalğanda Qazaqstandağı ahual naşarladı. Densaulıq saqtau ministrligi pnevmoniya diagnozı qoyılğan nauqastardıñ birazınan koronavirus deregi anıqtalğan joq dese de, olardı da COVID-19 hattamasımen emdedi. Al auruhanalarda nauqastarğa orın, därihanalarda qajetti preparattar tapşılığı jağdaydıñ uşığuına äkep soqqan.

11 tamızda Vladimir Putin Reseydiñ älemde birinşi bolıp koronavirus infekciyasına qarsı vakcinanı tirkegenin habarlağan edi. Putin sözinde ekpeniñ öte tiimdi jwmıs isteytinin, twraqtı immundıq jüyeni qalıptastıratının jäne barlıq qajetti tekserulerden ötkenin atap ötti. Biraq keybir batıs sarapşıları men jergilikti mamandar sınaqtan tolıq ötpegen vakcinanıñ qauipsizdigine kümän keltirgen bolatın. Sonımen qatar Reuters agenttigi preparat virustıñ mutaciyalanuına jol aşuı mümkin degen. Biraq Resey tarapı bwl dabıldı joqqa şığardı.

Putinniñ bwl jañalığınan keyin Qazaqstan prezidenti Toqaev qwttıqtau jedelhatın joldap, sol uaqıtta sınaqtan äli ötpegen «kümändi» vakcinanı alu turalı kelisimge kelgen.

Qazaqstan prezidentiniñ pandemiya men vakcina jöninde mälimdemeleri birinşi ret sınğa wşırap otırğan joq. Bwğan deyin Ükimet otırısında Toqaev «sınaqtan sätti ötken jağdayda, otandıq vakcinanı qabıldaymın» degen. Biraq DenMin Qazaqstanda 18 jasqa tolmağan balalar men 65 jastan asqandarğa «vakcinanıñ tiimdiligi men qauipsizdigi turalı mälimet joq bolğandıqtan», ekpe salınbaytının habarladı. YAğni 67 jastağı ekinşi prezidentke ekpe salınbaydı. «Qazaqstandıq ekpeni saldıramın» dep sendirgen prezidenttiñ bwl mälimdemesi men DenMin habaralamasındağı qayşılıq halıqtıñ vakcinaciyağa degen küdigin odan arı küşeytkeni ras.

Qazaqstan reseylik vakcinanı resmi tirkeuden ötkizbey twrıp-aq sala bastadı. Jappay vakcina egu 1 aqpanda bastalıp ketti. Ükimet jıl soñına deyin 6 million adamğa vakcina saludı josparlap otır. Al säuirden bastap qazaqstandıq QazCovid-In vakcinası egiletini, osı ekpe 1-2 sınaq kezeñinde 96 payız tiimdilik körsetkeni habarlandı. Qazir QazCovid-In sınaqtıñ üşinşi kezeñinen ötip jatır.

10 aqpanda densaulıq saqtau ministri Aleksey Coy Qazaqstanda 13 301 adamğa reseylik «Sputnik V» vakcinası salınğanın ayttı. Osılayşa, Qazaqstan «Sputnik V» ekpesin qoldanudı maqwldağan 27-el atandı. Qazirge deyin bwl ekpeni Reseyden özge Belarus', Argentina, Serbiya, Aljir, Paragvay, Türkimenstan, Vengriya, BAE, Iran sekildi elder maqwldağan.

"The Qazaq Times"