Bayden Ündistan prem'erine qoñırau şaldı. Foto; VOA.

Keşe, 8 aqpan Aq üydiñ jaña basşısı Bayden Ündistan prem'er-ministri Narendra Modige qoñırau şalıp, koronavirusqa qarsı birlesip küres jürgizu, klimat özgeristerine qarsı şaralardı qabıldau turalı söylesken. Bwlarğa qosa qazir jahandıq geosayasatta mañızdı bola tüsken Ündi-Tınıq mwhit aymağındağı qauipsizdik mäselesi turalı da keñesken.

Aq üydiñ baspasöz qızmeti eki lider arasındağı dialog meylinşe aşıq äri auqımdı taqırıptar qamtılğanın basa jazğan. Bayden men Modi öñirdegi halıqaralıq su joldarınıñ aşıqtığı jäne teñiz tasımalınıñ qauipsizdigin qamtamasız etude ortaq qadamdar jasau turalı pikirleri bir jerden şıqqan. Bwğan qosa, «Törttik dialog» (AQŞ, Australiya, Japoniya jäne Ündistan arasındağı joba) arqılı qauipsiz aymaq qwru mehanizmin jüzege asırudı ilgerletu turalı da söz qozğağan.

Ündi-Tınıq mwhitı aymağındağı Qıtaydıñ sın-qaterlerine qarsı Ündistanmen odaq qwru, Ündistan qatısqan «Törttik dialog» arqılı öñirlik qauipsizdik mehanizmin jüzege asıru jobaları Tramp äkimşiligi kezinde qabıldanğan bolatın. Bwl jobada Amerika Qwrama Ştattarı, Japoniya, Avstraliya jäne Ündistannıñ ortaq mehanizmi Qıtaydıñ barğan sayın agressivti sırtqı ekspansiyasına jauap retinde qauipsizdik salasına qoldanıldı. Bayden Tramptıñ köptegen sayasattarın sınğa alğanımen onıñ ÜTMA boyınşa auqımdı strategiyasınıñ mwrageri bolıp qaldı.

Aq üy kezekti baspasöz bayanında: «Bayden mırzanıñ qadamı Qwrama Ştattardıñ Qıtaydıñ qauip-qaterine qarsı küresude Ündistandı qamtığan öñirdegi odaqtastarın küşterin biriktiruge küş salatındığın, sol arqılı odaqtastarımız ben serikterimizdiñ qauipsizdigin qamtamasız etuge köñil böletinin körsetedi», – delingen.

Qazir, Ündistan men Qıtay qatınası şekara qaqtığısına baylanıstı qayşılıqtı küyde twr. Bwl Qwrama Ştattardıñ Ündistanmen ıntımaqtastığın tereñdetuge ülken mümkindikter jaratuda.

“The Qazaq times”