Qazaqstan Boeing 737 MAX wşağın qayta iske qospaq

Qazaqstannıñ aviaciyalıq äkimşiligi Boeing 737 MAX äue kemesiniñ wşuğa dayındığın tekserudi bastadı.

Azamattıq aviaciya komiteti taratqan mälimdemede: «Soñğı üş ay işinde Qazaqstannıñ aviaciyalıq äkimşiligi SCAT aviakompaniyasımen birlesip Boeing 737 MAX wşağın iske qosuğa dayındıq jürgizude. Aviaciyalıq äkimşilik aviakompaniyalarğa treningter ötkizuge, öndiruşiniñ jañartılğan erejelerin wstanuğa, sonday-aq wşu kezinde jäne eşelonda jıldamdıq aspaptarı dwrıs körsetilmegen jağdayda ekipajdardıñ is-qimıldarın trenajerlik dayarlau bağdarlamasına engizuge keñes berdi», – delingen.

Qazaqstanğa kelgen SCAT injenerlik-aviaciyalıq qızmeti jäne Boeing kompaniyasınıñ tehnikalıq mamandarı äue kemesin qayta iske qosudıñ jäne bağdarlamasın wsınğan. SCAT wşqıştarı älemniñ sertifikattalğan jattığu ortalıqtarınıñ birinde dayındıqtan ötti, al aldağı aptada Boeing 737 MAX wşağın testileu jürgiziledi.

Qazir AQŞ pen Qazaqstannıñ aviaciyalıq bilik orındarınıñ talaptarına säykes wşa tekseru boyınşa qorıtındı kezeñde. Äue kemesiniñ wşuğa jaramdılığın bağalau boyınşa sertifikattıq tekserudi 2021 jılğı aqpanda jürgizu josparlanıp otır. «Qazaqstannıñ aviaciyalıq äkimşiligi» AQ äue kemesiniñ kommerciyalıq wşulardı qalpına keltiruge dayındığın teksermek.

2019 jıldıñ naurızda azamattıq aviaciya komiteti eki äue apatınan keyin SCAT kompaniyasınıñ Boeing 737 MAX wşağın paydalanudı uaqıtşa toqtattı. Boeing kompaniyası laynerdi qayta sertifikattau jäne kommerciyalıq paydalanuğa qauipsiz qaytaru üşin AQŞ Federaldıq aviaciya basqarmasınıñ jäne basqa da retteuşi organdardıñ barlıq talaptarın orındadı.

27 qañtarda Boeing wşağın qaytadan paydalanudı Europalıq aviaciyalıq qauipsizdik agenttigi jäne Wlıbritaniyanıñ azamattıq aviaciya basqarması maqwldadı. Bwğan deyin Boeing 737 MAX Braziliya wlttıq azamattıq aviaciya agenttigi jäne Kanada kölik departamentinen sertifikat alğan.

"The Qazaq Times"