AQŞ Memlekettik hatşısı Mayk Pompeo jäne Qazaqstan prezidenti Qasım-Jomart Toqaev

Prezident Qasım-Jomart Toqaev AQŞ Memlekettik hatşısı Mayk Pompeomen koronavirus pandemiyasınıñ taraluına qarsı küres, jahandıq jağday men eki el baylanısın talqıladı.

AQŞ diplomatiyasınıñ basşısı Uaşingtonnıñ pandemiyanı tezirek auızdıqtau jäne onıñ saldarın joyu maqsatında ekijaqtı ıqpaldastıqtı arttıru kerektigin aytsa, memleket basşısı Qazaqstannıñ Ortalıq Aziya elderindegi epidemiologiyalıq jäne azıq-tülik qauipsizdigin qamtamasız etu üşin kömektesuge dayın ekenin ayttı.

Aqorda saytınıñ habarlauınşa, äñgimelesu barısında taraptar Qazaqstan men Amerika arasındağı sayasi dialogtı odan äri tereñdetu jäne sauda-ekonomikalıq ıntımaqtastıqtı nığaytu turalı uağdalasqan. Sonımen qatar eki el arasındağı strategiyalıq seriktestikti arttırudıñ, Ortalıq Aziyada twraqtılıq pen qauipsizdikti saqtau maqsatında atqaratın birlesken jwmıstardı jalğastırudıñ mañızdılığı ataldı. Söz soñında Qasım-Jomart Toqaev AQŞ-tıñ Qazaqstanğa qoldau bildirip, gumanitarlıq kömek körsetkeni üşin rizaşılığın bildirdi.

"The Qazaq Times"