Baydenniñ reytingi tömendedi

Djo Baydenniñ reytingi onıñ prezidenttiginiñ alğaşqı künderimen salıstırğanda 2%-ğa tömendedi. Bwl turalı The hill gazeti habarladı.

28-29 qañtar aralığında Harris ğılımi-zertteu ortalığı jürgizgen zertteu nätijesinde Baydenniñ prezident retindegi jwmısın respondentterdiñ 61%-ı qoldaytının aytqan. Al bwğan deyin ötken saualnamada qatısuşılardıñ 63%-ı memleket basşısınıñ jwmısı turalı oñ pikir bildirgen.

Zertteu ortalığı soñğı saualnamada Respublikalıq partiyanı qoldaytın saylauşılar arasında demokrat Baydenniñ qızmetin maqwldau deñgeyi 6 payızdıq tarmaqqa 30%-dan 24%-ğa tömendegenin atap ötti. Demokrattar jaqtastarınıñ qoldauı 94% bolğan.

Saualnama onlayn formatta saylauşılar arasında jürgizildi. Statistikalıq qatelik şamamen 3,19 şamanı qwraydı.

3 qaraşada ötken prezident saylauında resmi nätije boyınşa 306-232 (elektorlar dauısı) esebimen Djo Bayden jeñiske jetken. 20 qañtarda jaña prezidenttiñ wlıqtau räsimi Kapitoliy ğimaratında ötti.

"The Qazaq Times"