АҚШ президенті Джо Байден. Фото: thebell

Джо Байденнің рейтингі оның президенттігінің алғашқы күндерімен салыстырғанда 2%-ға төмендеді. Бұл туралы The hill газеті хабарлады.

28-29 қаңтар аралығында Харрис ғылыми-зерттеу орталығы жүргізген зерттеу нәтижесінде Байденнің президент ретіндегі жұмысын респонденттердің 61%-ы қолдайтынын айтқан. Ал бұған дейін өткен сауалнамада қатысушылардың 63%-ы мемлекет басшысының жұмысы туралы оң пікір білдірген.

Зерттеу орталығы соңғы сауалнамада Республикалық партияны қолдайтын сайлаушылар арасында демократ Байденнің қызметін мақұлдау деңгейі 6 пайыздық тармаққа 30%-дан 24%-ға төмендегенін атап өтті. Демократтар жақтастарының қолдауы 94% болған.

Сауалнама онлайн форматта сайлаушылар арасында жүргізілді. Статистикалық қателік шамамен 3,19 шаманы құрайды.

3 қарашада өткен президент сайлауында ресми нәтиже бойынша 306-232 (электорлар дауысы) есебімен Джо Байден жеңіске жеткен. 20 қаңтарда жаңа президенттің ұлықтау рәсімі Капитолий ғимаратында өтті.

"The Qazaq Times"