بايدەننىڭ رەيتينگى تومەندەدى

دجو بايدەننىڭ رەيتينگى ونىڭ پرەزيدەنتتىگىنىڭ العاشقى كۇندەرىمەن سالىستىرعاندا 2%-عا تومەندەدى. بۇل تۋرالى The hill گازەتى حابارلادى.

28-29 قاڭتار ارالىعىندا حارريس عىلىمي-زەرتتەۋ ورتالىعى جۇرگىزگەن زەرتتەۋ ناتيجەسىندە بايدەننىڭ پرەزيدەنت رەتىندەگى جۇمىسىن رەسپوندەنتتەردىڭ 61%-ى قولدايتىنىن ايتقان. ال بۇعان دەيىن وتكەن ساۋالنامادا قاتىسۋشىلاردىڭ 63%-ى مەملەكەت باسشىسىنىڭ جۇمىسى تۋرالى وڭ پىكىر بىلدىرگەن.

زەرتتەۋ ورتالىعى سوڭعى ساۋالنامادا رەسپۋبليكالىق پارتيانى قولدايتىن سايلاۋشىلار اراسىندا دەموكرات بايدەننىڭ قىزمەتىن ماقۇلداۋ دەڭگەيى 6 پايىزدىق تارماققا 30%-دان 24%-عا تومەندەگەنىن اتاپ ءوتتى. دەموكراتتار جاقتاستارىنىڭ قولداۋى 94% بولعان.

ساۋالناما ونلاين فورماتتا سايلاۋشىلار اراسىندا جۇرگىزىلدى. ستاتيستيكالىق قاتەلىك شامامەن 3,19 شامانى قۇرايدى.

3 قاراشادا وتكەن پرەزيدەنت سايلاۋىندا رەسمي ناتيجە بويىنشا 306-232 (ەلەكتورلار داۋىسى) ەسەبىمەن دجو بايدەن جەڭىسكە جەتكەن. 20 قاڭتاردا جاڭا پرەزيدەنتتىڭ ۇلىقتاۋ ءراسىمى كاپيتولي عيماراتىندا ءوتتى.

"The Qazaq Times"