Foto: https://malim.kz

Belsendi Äygerim Tileujan men qwqıq qorğauşı Erlan Qaliev olimpiada çempionı Ermahan Ibraimovtıñ üstinen arız tüsirdi.

Malim.kz saytına swhbat bergen belsendi Tileujan: «Bizdiñ bwl jerde ädildikke jetuimiz ekitalay. Sondıqtan biz bwl isti soñına deyin jetkizemiz. Halıqaralıq wyımdarğa mindetti türde arızdanamız jäne halıqaralıq alañda olardı sottau üşin bar küşimizdi jwmsaymı. Halıqaralıq olimpiada komitetine şağımdanıp, onı osığan deyin alğan medal'darınan, çempiondığınan ayıruın swraymız», – deydi.

10 qañtarda ötken miting kezinde demokratiyalıq partiya qwrğısı keletin bastama top ökilderi policiya qorşauında qalğan. Sol kezde Ermahan Ibraimov barıp, qorşauda twrğan jastardıñ arasına basıp kirip, belsendilerdiñ qolındağı plakattı jırtıp tastağan.

Saylau küni Almatıdağı Respublika alañında policiya jasağı “Oyan, Qazaqstan” qozğalısınıñ müşeleri jäne Janbolat Mamay men onıñ jaqtastarın qorşauğa alıp, kettling ädisin qoldandı. Osı sätte alañda ayaq astınan Olimpiada çempionı Ermahan Ibrayımov, jazuşı Esenğali Rauşanov, aqın Maraltay Rayımbekwlı, Baqıt Bedelhan, jurnalist Qali Särsenbay bastağan top payda boldı.

"The Qazaq Times"