ميتينگتەگى جاعدايدان كەيىن ەرماحان يبرايموۆتىڭ ۇستىنەن ارىز ءتۇستى

بەلسەندى ايگەرىم تىلەۋجان مەن قۇقىق قورعاۋشى ەرلان قاليەۆ وليمپيادا چەمپيونى ەرماحان يبرايموۆتىڭ ۇستىنەن ارىز ءتۇسىردى.

Malim.kz سايتىنا سۇحبات بەرگەن بەلسەندى تىلەۋجان: «ءبىزدىڭ بۇل جەردە ادىلدىككە جەتۋىمىز ەكىتالاي. سوندىقتان ءبىز بۇل ءىستى سوڭىنا دەيىن جەتكىزەمىز. حالىقارالىق ۇيىمدارعا مىندەتتى تۇردە ارىزدانامىز جانە حالىقارالىق الاڭدا ولاردى سوتتاۋ ءۇشىن بار كۇشىمىزدى جۇمسايمى. حالىقارالىق وليمپيادا كوميتەتىنە شاعىمدانىپ، ونى وسىعان دەيىن العان مەدالدارىنان، چەمپيوندىعىنان ايىرۋىن سۇرايمىز»، – دەيدى.

10 قاڭتاردا وتكەن ميتينگ كەزىندە دەموكراتيالىق پارتيا قۇرعىسى كەلەتىن باستاما توپ وكىلدەرى پوليتسيا قورشاۋىندا قالعان. سول كەزدە ەرماحان يبرايموۆ بارىپ، قورشاۋدا تۇرعان جاستاردىڭ اراسىنا باسىپ كىرىپ، بەلسەندىلەردىڭ قولىنداعى پلاكاتتى جىرتىپ تاستاعان.

سايلاۋ كۇنى الماتىداعى رەسپۋبليكا الاڭىندا پوليتسيا جاساعى “Oyan, Qazaqstan” قوزعالىسىنىڭ مۇشەلەرى جانە جانبولات ماماي مەن ونىڭ جاقتاستارىن قورشاۋعا الىپ، كەتتلينگ ءادىسىن قولداندى. وسى ساتتە الاڭدا اياق استىنان وليمپيادا چەمپيونى ەرماحان ىبرايىموۆ، جازۋشى ەسەنعالي راۋشانوۆ، اقىن مارالتاي رايىمبەكۇلى، باقىت بەدەلحان، جۋرناليست قالي سارسەنباي باستاعان توپ پايدا بولدى.

"The Qazaq Times"