Foto: VVS

Wlıbritaniyada tirkelgen koronavirustıñ jaña ştamı 60 elde anıqtaldı. Bwl turalı Düniejüzilik densaulıq saqtau wyımı Jenevada jariyalanğan aptalıq epidemiologiyalıq byulleteninde habarladı.

«12 qañtardan bastap koronavirustıñ özgergen türi tağı 10 memlekette tirkeldi. Al Oñtüstik Afrikadan şıqqan virus tağı üş elde anıqtaldı jäne olardıñ jalpı sanı 23-ke jetti. Braziliyada P. 1 dep atalatın koronavirustıñ bir türi tabılıp, B. 1.1.28 mutaciyasınıñ tağı bir jağdayı tirkeldi. Alayda, bwl virustardıñ qnaşalıqtı jwqpalı ekendigi turalı jetkilikti aqparat joq. DDSW sarapşısı Mariya van Kerkhov 8 qañtarda Jenevada ötken brifingte Wlıbritaniyada anıqtalğan koronavirustıñ jaña ştamı ädettegi nwsqağa qarağanda tez taralatının rastadı.

Bwğan deyin halıqaralıq wyım «koronavirustıñ jaña nwsqaları payda boluı mümkin» degen. Sebebi virus ünemi özgerip, mutaciyağa wşırap otıradı.

DDSW-nıñ tötenşe jağday jönindegi komiteti 14 qañtardağı otırısında barlıq memleketti mutaciyalanğan virustıñ genomdıq rettiligi turalı ğılımi zertteulerdi arttırıp, qolda bar aqparatpen bölisuge şaqırdı.

Wlıbritaniya men Oñtüstik Afrikada koronavirustıñ jaña ştamdarı jeltoqsanda belgili boldı. Ğalımdardıñ pikirinşe, jaña koronavirustıñ ekeui de jwqpalı jäne agressivti. Degenmen, bwl ştamdar özara baylanıstı emes.

Sonımen qatar, koronavirustıñ jaña türi kädimgisine qarağanda 50-70% jıldam taralatını belgili boldı. Virus mutaciyası Wlıbritaniyada şapşañ jayılıp baradı, sonıñ saldarınan atalğan elde keyingi künderi bir täulikte 50 mıñnan astam nauqas tirkelip jür. Bwl bwrın-soñdı tirkelmegen joğarı körsetkiş. Bilik qaytadan jappay lokdaun engizuge mäjbür bolğan.

Wlıbritaniyada Covid-tiñ özgergeni jaylı aqparat alğaş ret jeltoqsan ortasında aytıla bastağan. Infekcionisterdiñ pikirinşe, jaña ştamm koronavirustı jeñe almağan immuniteti älsiz nauqas ağzasında jetilip, damığan boluı mümkin.

"The Qazaq Times"