Körneki suret. Foto: aşıq derekköz

Keler jılğı 10 qañtarğa belgilengen Mäjilis jäne mäslihat saylauın baqılaytın Voices of Kazakhstan attı jaña platforma payda boldı.

Italiyadağı Adam qwqıqtarı jönindegi federaciyalıq qor (FIDU) prezidenti Antonio Stango men AQŞ-ta twrıp jatqan qazaqstandıq käsipker Barlıq Meñdiğaziev jetekşilik etetin Freedom Kazakhstan qorı (FKF) aldağı parlament saylauınıñ nätijeleri turalı mälimetter jariyalap otıratın Voices of Kazakhstan birlesken jobası aşılğanın habarladı.

Atalmış joba Telegram çat-bottarınıñ kömegimen jüzege asadı. Jobanı 23 jeltoqsan küni «Aşıq dialog» qorınıñ prezidenti Lyudmila Kozlovska men «Ural'skaya nedelya» basılımınıñ direktorı Tamara Eslyamova tanıstırdı.

FKF qorınıñ jetekşisi Barlıq Meñdiğazievtiñ sözinşe, jaña platforma belarus' belsendileriniñ prezident saylauı kezindegi täjiribege süyene otırıp jasalğan. Sonday-aq bwl barlıq täuelsiz baqılauşılardı biriktiruge mümkindik beredi dep közdelgen.

«İndet kezinde halıqaralıq qauımdastıq tarapınan köptegen baqılauşılar men jurnalister kele almaytındıqtan Antonio Stangodan saylaudı ob'ektivti baqılauğa kömektesuin swrağanmın. Ol qoldadı. Bastı talap – saylauşılar byulleten'derdi eki jağınan anıq etip tüsirip, joldauı tiis», – dedi Barlıq Meñdiğaziev.

Tehnikalıq top ökilderiniñ aytuınşa, saylau ayaqtalğannan keyin habarlamalar swrıptalıp, tez arada nätijesi jariyalanatın boladı. Jobağa barlıq azamattar, saylauğa tüsip jatqan partiya ökilderi de qatısa aladı.

Qazaqstanda mäjilis jäne mäslihat saylauı 10 qañtarda ötedi. Oğan «Nur Otan», «Aqjol», «Adal», «Auıl» jäne «Qazaqstan halıq partiyası» qatısadı. OSK mälimetinşe, bes partiya mäjilis saylauına – 312 kandidat (90 äyel, 222 er adam), mäslihatqa 832 kandidat wsınğan.

"The Qazaq Times"