Almatı qalası sanitariyalıq-epidemiologiyalıq baqılau departamentiniñ basşısı, qalanıñ bas memlekettik sanitar därigeri Jandarbek Bekşin. Foto: OKQ

Almatı qalasındağı koronavirus taraluı küşeye bastadı.

Bügin, 24 jeltoqsan küni Almatı qalası sanitariyalıq-epidemiologiyalıq baqılau departamentiniñ basşısı, qalanıñ bas memlekettik sanitar därigeri Jandarbek Bekşin onlayn brifing barısında osı ayda ahual qiındağanın rastadı. Mamannıñ aytuınşa, küzdiñ basında koronavirus jwqtırğandardıñ sanı tömendegen. Alayda qazan ayınan bastap qayta ösken.

 «İndet boyınşa Almatı qalasında epidemiologiyalıq jağdayınıñ örbui aldın ala boljamdağan mölşerge säykes kelip otır: jeltoqsan ayında 1 aptada – 420, 2 aptada – 460, 3 aptada – 510, 4 aptada – 560 jağday. Aydıñ qorıtındısı 1900-ğa jäne pessimistik bağıtta jürse 2200 jağdayğa jetui mümkin», – dedi Jandarbek Bekşin.

Qazanda – 366 jağday, qaraşada – 1399 jağday jäne jeltoqsan ayında äzirge 1635 jağday anıqtalğan. 18 mıñğa juıq nauqastıñ 16 mıñnan astamı ayğıp şıqqan. Ökinişke qaray, 370 adam  aurudan qaytıs bolğan.

«Almatı qalasındağı epidemiologiyalıq jağdayğa keletin bolsaq, bügin kürdeli küyde. Jıl basınan beri 17 790 adam koronavirus jwqtırğan, sonday-aq tamız ayınan bastap esepke alınğan etiologiyası anıqtalmağan pnevmoniyanıñ 1349 jağdayı tirkeldi»,– dedi ol.

Pandemiya bastalğalı jalpı virus jwqqandardıñ 3465-i (KVI+ / U07.1 – 2218, KVI- / U07.2 – 483, ilespe aurulardan – 764) qaytıs bolğan. Alayda Qazaqstan biligi boyınan koronavirus tabılsa da, basqa aurulardıñ sebebinen qaytıs boldı delingen 764 adamdı jalpı statistikağa qosıp eseptemeydi. Äzirge virus taralu qateri jağınan Atırau oblısı – qızıl aymaqta, astana men Almatı qalası, SQO, BQO, Aqmola, Qostanay, Pavlodar öñirleri – sarı aymaqta twr.

Qoğamda biılğı 256 mıñ pnevmoniya jağdayın esepke qospay, jalpı statistikanı «mausım-şilde qırğınan» keyin jürgize bastağan Ükimettiñ esebine kümänmen qaraytındar köbeygen.

Qazaqstan virus taraluı boyınşa älemde Worldometers derekqorı jäne DDSW tiziminde 49-şı orında twr.

"The Qazaq Times"