Associated Press mälimetinşe, Donal'd Tramp äkimşiligi Kongreste AQŞ-tıñ Reseydegi eki bas konsuldığın jabu turalı söz qozğadı. Aldağı künderi Vladivostok pen Ekaterinburgtegi konsuldıqtar jabıluı mümkin. Bwl – Amerikanıñ Reseydegi soñğı eki konsuldığı. Sankt-Peterburgte ornalasqan ğimarat 2018 jılı jabılğan.

Konsuldıqtardı jabu turalı aqparattan keyin 3 kün ötken soñ, AQŞ tarihındağı eñ iri kiberşabuıl – Sunburst orın aldı. Sarapşılardıñ payımdauınşa, qauipti kiberşabuıl Resey tarapınan jasalğan. Memlekettik hatşı Mayk Pompeo men Senatorlar da Kreml'di ayıptap, qatañ şara qoldanatının habarladı.

Ötken aptada AQŞ Memlekettik departamenti zañ şığaruşılarğa Vladivostoktağı konsuldıqtı birjola jauıp, Ekaterinburgtegi konsuldıqtıñ jwmısın uaqıtşa toqtatu kerektigin aytqan. Resmi qwjat 10 jeltoqsanda AQŞ Kongresine jiberilgen.

Habarlamada konsuldıqtardıñ jabıluı Resey biliginiñ 2017 jılı elde jwmıs isteuge rwqsat etilgen amerikalıq diplomattar sanına engizgen şekteulerimen baylanıstı ekendigi aytılğan. Sonımen qatarB bwl qadamdar «Reseydiñ 2017 jılı qızmetkerlerdi şekteuge jäne nätijesinde diplomatiyalıq vizalardıñ toqtap qaluına baylanıstı Reseydegi AQŞ ökildikteriniñ Kadrlıq problemaların» jauap delingen.

Diplomatiyalıq qaqtığıs

2016 jıldıñ jeltoqsanında Mäskeu men Vaşington arasında diplomatiyalıq qaqtığıs bastaldı. Sol kezdegi prezident Barak Obama 35 reseylik diplomattı jäne olardıñ otbası müşelerin AQŞ-tan şığaru turalı şeşim qabıldadı.

2017 jıldıñ şildesinde Resey AQŞ-tan diplomatiyalıq missiya qızmetkerleriniñ sanın 755 adamnan 455 adamğa deyin qısqartudı, al Vaşington San-Franciskodağı Resey konsuldığın jabudı talap etti.

2018 jılı naurızda 60 reseylik diplomattar quılıp, Skripal'diñ ulanuına baylanıstı Siettldegi Resey konsuldığı jabıldı.

Kreml' ökili Dmitriy Peskovtıñ mälimdeuinşe, Ekaterinburg pen Vladivostoktağı AQŞ Bas konsuldıqtarınıñ jabıluı Resey-Amerika qatınastarına eşqanday äser etpeydi. Bwl şara «koronavirustıñ keñ taraluına baylanıstı boluı da mümkin». Peskov: «Konsuldıqtardıñ negizgi qızmeti – konsuldıq jäne vizalıq qızmetter körsetu. Sondıqtan diplomatiyalıq baylanısqa sonşalıqtı äseri joq», – deydi.

Alayda Tramptıñ Reseydegi konsuldıqtardı jabu turalı mälimdemesinen keyin Amerikada orın alğan iri kiberşabuıl Resey tarapınan maqsattı türde jasaldı degen gipoteza bar.

21 jeltoqsanda AQŞ Wlttıq barlau departamenti, FBR, infraqwrılımdıq jäne kiberqauipsizdik agenttigi federaldı ükimettiñ komp'yuterlik jelilerine qattı şabuıl jasağanın habarlağan. Memlekettik hatşı Mayk Pompeo da kiberşabuıldarğa Mäskeudiñ qatısı bar ekenin ayttı. Al prezident Donal'd Tramp bwl jağdayğa Qıtaydıñ qatısı boluı da mümkin deydi. Osığan baylanıstı AQŞ senatorları memlekettik organdarğa jasalğan kiberşabuılğa baylanıstı Uaşingtonnan Mäskeuge qarsı şara qabıldaudı talap etti.

"The Qazaq Times"