Qırğızstanda 10 qañtar küni prezidenttik saylau ötpek. Qazir eldiñ barlıq biligin özine toptastırğan Sadır Japarov ta prezidentke ümitker qatarında saylauğa qatısadı. «Ortalıq Aziya Baromertri» attı täuelsiz wyım elde 9-17 jeltoqsan aralığında äleumettik saualnama jürgizgen. Nätijesinde eldiñ 80 payızı prezidenttik basqaru jüyesin qoldaytını belgili boldı.

Prezidenttikke ümitkerler retinde Sadır Japarovpen qatar «Bütin Qırğızstan» partiyasınıñ jetekşisi, sayasatker Adahan Madumarov ta bar. Alayda, saualnamağa qatısqandardıñ 3 payızı ğana Madumarovqa dauıs beretinin bildirgen eken. Japarovtı qoldauşılar 64 payız dep körsetedi atalğan wyım.

Saualnamağa qatısıuşılarğa eldegi sayasi jäne ekonomikalıq jağday, 5 qazandağı biliktiñ almasuı, aldağı saylau men referendumğa degen közqarası, ükimet, sot, Joğarğı keñeske bolğan senimderi, el basqaru tüzimine jäne saylauğa tüsip jatqan sayasatkerlerge degen közqarastarı turalı swraular qoyılğan.

Nätijesinde, saualnamağa qatısuşılardıñ 58 payızı biliktiñ almasuın tolığımenen qoldağan, 73 payızı 10 qañtardağı prezidenttik saylauğa dauıs beruge nietti, onıñ 64 payızı Japarovtıñ prezident boluın qoldaydı. Sonday-aq, qazirgi sasatkerlerge degen senimdi bağalauda 48 payız qatısuşınıñ Japarovqa senetini belgili bolğan. Degenmen, respondentter arasında Japarovtı saylaudağı ädildik pen teñdikti bwzıp jatır dep ayıptaydı.

Al, qatısuşılardıñ 80 payızı prezidenttik basqarudı, 14 payızı parlamenttik basqarudı qoldaydı. Konstituciyanı özgertu boyınşa referendumdı 76 payız adam qoldaydı, 7 payız qatısuşı referendum turasında bilmeydi. Bwğan deyin Qırğızstandağı birqatar instituttar men sayasi toptar konstituciyalıq referendumnıñ özi konstituciyanı öreskel bwzumen ötip jatır dep ayıptağanı mälim.

Sarapşılardıñ pikirinşe, saualnama näijesi Qırğızstandağı äleumettik sayasi jağdaydı körsetip otır. Saualnama boyınşa bir adamnıñ basım dauısqa ie bolıp twrğanı onıñ öñirlerdegi tanımaldığımen baylanıstı dep sanaydı Qırğızstan sayasattanuşıları.

“The Qazaq Times”