Osı apta AQŞ-tıñ Senatı men Ökilder palatası 2021 qarjı jılına arnalğan Wlttıq qorğanıstı avtorizaciyalau turalı zañın qabıldadı. Jaña zañ jobasınıñ köptegen tarmaqtarı Qıtayğa qatıstı, äsirese «Tınıq mwhittağı tejeu josparı» sarapşılar üşin barınşa qızıqtı taqırıp boldı. Sarapşılardıñ pikirinşe, jaña tejeu josparı Qıtaydı qalay barınşa tiimdi tejeuge jäne AQŞ-tıñ Aziyadağı qoranıs quatın arttıruğa mümkindik beredi.

Tınıq mwhitında Qıtaydı tejeuge mümkindik beretin zañ jobası AQŞ-tıñ Senatında da, Ökilder palatasında da basım köp dauıspen qabıldanuı nazar audaruğa twrarlıq. Jaña zañmen 2021 jılı AQŞ qorğanıs byudjeti 740,5 mlrd dollar bolıp bekitildi. Bwl qarajat äskeri jalaqıdan tartıp, qaru-jaraq satıp alu, özge de qajetti aspektilerdi qamtidı. Eñ mañızdısı, Qıtaydı tejeudiñ mañızdı bölegi retinde, atalğan zañ jaña «Tınıq mwhitındağı tosqauıl bağdarlamasın» bastaydı.  Ündi-Tınıq mwhitı aymağında AQŞ-tıñ tejeu mümkindigi men qorğanıs jağdayın nığaytu, odaqtastarmen ıntımaqtastıqtı tereñdetu üşin 2021 qarjı jılı bwl jobağa 2,2 milliard dollar böledi.

2,2 mlrd AQŞ dolları bwl aymaqtağı jağdaydı tübegeyli özgertip jibermeytini anıq. Degenmen, jaña «Tınıq mwhittağı tosqauıl bağdarlaması» eñ aldımen Qıtayğa, sodan keyin qanday da bir ıqtimal qaterlerge jäne aymaqtağı AQŞ odaqtastarına küşti signal berumen teñ. YAğni, AQŞ öziniñ atalğan aymaqtağı müddesin qorğauğa belsendi kirisetinin körsetedi. Bwnı sonday-aq, AQŞ-tıñ Aziyağa qatıstı soñğı jıldardağı eñ mañızdı zañ aktisi qatarında bağalauğa boladı. Demek, AQŞ Aziyadağı strategiyasın özgertude. Qwrama Ştattardıñ Aziya-Tınıq mwhit aymağına basa nazar audaruı wzaqqa jalğasuı da mümkin.

 

“The Qazaq Times”