Körneki suret. Foto: www.wrvo.org

Ortalıq saylau komissiyası sayasi partiyalardıñ pikirsayısına qatısatın spikerlerdiñ tizimin jariyaladı.

30 jeltoqsanğa belgilengen «Habar» arnasında ötetin saylau aldındağı debatqa är partiyadan bir ökil qatıspaq. OSK habarlauınşa, «Habar» agenttiginde televiziyalıq pikirsayıs ötkizu turalı qaulısı qabıldanıp, debat reglamenti bektilgen.

«Sayasi partiyalardıñ şeşimimen ayqındalğan televiziyalıq pikirsayıstarğa qatısuşılardıñ qwramında «ADAL» partiyasısınıñ sayasi keñesiniñ müşesi Jwmağaziev El'dar Tınışbaywlı, «Aq jol» törağası Peruaşev Azat Twrlıbekwlı, «Auıl» partiyasınıñ törağası Bektaev Äli Äbdikärimwlı, Qazaqstan Halıq partiyasınıñ törağası Qoñırov Ayqın Oyratwlı, «Nur Otan» partiyasınan törağanıñ birinşi orınbasarı Baybek Bauırjan Qıdırğaliwlı bar», – dedi Ortsaylaukom müşesi Anastasiya Şegorcova.

Azamattıq belsendiler törağalar men Nazarbaevtıñ senim bildirgen ökili qatısatın debatqa eldiñ qızığuşılığı joq dep sanaydı. Olar mwnıñ sebebi atalğan partiyalardıñ bilik partiyasınan «enşi alıp şığuın» jäne ärdayım maqtap-madaqtauın alğa tartadı.

Ädette saylau qarsañındağı qazaqstandıq debattar eşbir tartıssız, «bäsekeles» kandidattardıñ bir-birin qwpatap-qoldauımen ötedi. Bıltırğı prezident saylauınıñ debatı da spikerlerdiñ özara pikir qayşılığınsız, «ıñ-şıñsız» ötken.

Qazaqstanda saylauğa tüsu üşin mindetti türde resmi tirkelgen äldebir partiyağa kiru qajet. Jekelegen kandidattar saylanu qwqığınan qağılğan. Täuelsiz sarapşılar partiyalıq tizimmen saylaudı ädiletsiz, şınayı opponet partiyanıñ joqtığın, olardıñ «bilikşil» ekenin aytıp sınaydı. TMD ayasınan tıs elderden kelgen halıqaralıq baqılauşılar, mäselen EQWI Qazaqstanda osığan deyin ötken saylaudıñ barlığın ädil ötpedi dep bağalağan. Olar saylau kezinde dauıs wrlau men fal'sifikaciya, oppoziciya tarapına qısım jasau, aqparat qwraldarınıñ jwmısına kedergi keltiru siyaqtı faktiler bolğanın jii aytadı.

Qazaqstanda resmi tirkelgen altı partiya bar. Onıñ biri özin «nağız» oppoziciya sanaytın JSDP quğındağı sayasatker-bankir Mwhtar Äblyazovtiñ ügitinen keyin saylauğa qatısudan aynıp qalğan. Özge bes partiya aldağı jılı 10 qañtarğa belgilengen mäjilis jäne mäslihat deputattarınıñ saylauına qatısuğa partiyalıq tizimin ötkizip qoydı. Olar – biliktiñ «Nwr Otan» partiyası, «Adal» (bwrınğı «Birlik»), «Qazaqstannıñ halıq partiyası» (bwrınğı «Qazaqstannıñ kommunistik halıq partiyası»), «Aq jol» jäne «Auıl» partiyaları. Qazaqstanda saylaudan köñili qalğan nemese onıñ ädil öterine senbeytin azamattar az emes.

"The Qazaq Times"