AQŞ Kongresiniñ Ökilder palatası äskeri byudjet jobası ayasında Ukrainağa 250 million dollar beru turalı kelisimge qol qoydı.

Qwjat boyınşa dauıs beru Senatta ötui tiis. Qwjat mätininde «Ukrainanıñ Qarulı küşterine qoldau körsetuge jäne kömektesuge bağıttalğan qauipsizdik bastaması ayasında AQŞ 250 million dollar qarjı beredi» delingen.

Jalpı kölemi $740 mlrd asatın qorğanıs byudjetiniñ jobasında Pentagonnıñ bazalıq qajettilikterine $635,5 mlrd, Energetika ministrliginiñ jelisi boyınşa Wlttıq qauipsizdik salasındağı bağdarlamalardı iske asıruğa $26,6 mlrd jäne şetelde operaciyalar jürgizuge $69 mlrd bölu qarastırılğan.

4 jeltoqsanda AQŞ prezidenti Donal'd Tramp Kongresti zañ şığaruşı organdardıñ qos palatası kelisken 2021 jılğa arnalğan äskeri byudjet jobasında äleumettik jelilerdi jauapkerşilikten bosatu turalı qwjattı bwğattağan. Tramp öziniñ Twitter paraqşasında: «Bizdiñ elimiz üşin de, bizdiñ wlttıq qauipsizdigimiz ben saylaudıñ adaldığı üşin de öte ökinişti jağday. Soñğı mümkindik – şeşim qabıldau. Men veto qoldanamın», – dep jazdı.

1996 jılğı kommunikaciya etikası turalı Zañnıñ 230-bölimi tehnologiyalıq kompaniyalardı paydalanu, joyu nemese moderaciyalau üşin sot isterinen qorğaydı. Mamırdıñ soñında AQŞ köşbasşı eldegi äleumettik jelilerdi retteu turalı atqaruşı Jarlıqqa qol qoydı. Tramptıñ aytuınşa, bwl qwjat atalğan salada jaña retteu şaraların ornatuğa arnalğan.

"The Qazaq Times"