Ukraina prezidenti Vladimir Zelenskiy Amerika Qwrama Ştattarına resmi saparmen baruğa dayındalıp jatır. 30 şildege josparlanğan sapar turalı Aq üydiñ baspasöz qızmeti mälimdedi.

Bwl Zelenskiydiñ Ukraina prezidenti retinde Qwrama Ştattarğa jasağan ekinşi saparı. Bwdan bwrın Zelenskiy AQŞ-qa prezident Tramp twsında saparlay barğan bolatın. Kezekti sapar prezident Baydenniñ wsınıs etuimen jasalğalı otır.

Aq üy baspasöz qızmetiniñ jazbaşa mälimdemesinde aytıluınşa, 30 şildede bastalatın sapar, üş künge jalğasadı. «Bwl kezdesu Reseydiñ Donbass pen Lugansk jäne Qırımğa bağıttalğan agressiyası jalğasıp jatqan twsta Amerika Qwrama Ştattarı Ukrainanıñ egemendigi men territoriyalıq twtastığın qoldaytının tağı bir ret äygileydi», – degen Aq üy mälimdemesinde.

Bayden men Zelenskiy arasındağı kezdesude energetika qauipsizdigi salasındağı ıntımaqtastıqtı damıtudı talqılaydı dep kütilude. Sonday-aq, Zelenskiy Baydendi jemqorlıq pen küres jäne ortaq demokratiyalıq qwndılıqtar negizindegi reformalarğa qoldau körsetuge şaqıradı.

“The Qazaq Times ”