ۆلاديمير زەلەنسكي جانە دونالد ترامپ. فوتو: https://cdn

اقش كونگرەسىنىڭ وكىلدەر پالاتاسى اسكەري بيۋدجەت جوباسى اياسىندا ۋكرايناعا 250 ميلليون دوللار بەرۋ تۋرالى كەلىسىمگە قول قويدى.

قۇجات بويىنشا داۋىس بەرۋ سەناتتا ءوتۋى ءتيىس. قۇجات ماتىنىندە «ۋكراينانىڭ قارۋلى كۇشتەرىنە قولداۋ كورسەتۋگە جانە كومەكتەسۋگە باعىتتالعان قاۋىپسىزدىك باستاماسى اياسىندا اقش 250 ميلليون دوللار قارجى بەرەدى» دەلىنگەن.

جالپى كولەمى $740 ملرد اساتىن قورعانىس بيۋدجەتىنىڭ جوباسىندا پەنتاگوننىڭ بازالىق قاجەتتىلىكتەرىنە $635,5 ملرد، ەنەرگەتيكا مينيسترلىگىنىڭ جەلىسى بويىنشا ۇلتتىق قاۋىپسىزدىك سالاسىنداعى باعدارلامالاردى ىسكە اسىرۋعا $26,6 ملرد جانە شەتەلدە وپەراتسيالار جۇرگىزۋگە $69 ملرد ءبولۋ قاراستىرىلعان.

4 جەلتوقساندا اقش پرەزيدەنتى دونالد ترامپ كونگرەستى زاڭ شىعارۋشى ورگانداردىڭ قوس پالاتاسى كەلىسكەن 2021 جىلعا ارنالعان اسكەري بيۋدجەت جوباسىندا الەۋمەتتىك جەلىلەردى جاۋاپكەرشىلىكتەن بوساتۋ تۋرالى قۇجاتتى بۇعاتتاعان. ترامپ ءوزىنىڭ Twitter پاراقشاسىندا: «ءبىزدىڭ ەلىمىز ءۇشىن دە، ءبىزدىڭ ۇلتتىق قاۋىپسىزدىگىمىز بەن سايلاۋدىڭ ادالدىعى ءۇشىن دە وتە وكىنىشتى جاعداي. سوڭعى مۇمكىندىك – شەشىم قابىلداۋ. مەن ۆەتو قولدانامىن»، – دەپ جازدى.

1996 جىلعى كوممۋنيكاتسيا ەتيكاسى تۋرالى زاڭنىڭ 230-ءبولىمى تەحنولوگيالىق كومپانيالاردى پايدالانۋ، جويۋ نەمەسە مودەراتسيالاۋ ءۇشىن سوت ىستەرىنەن قورعايدى. مامىردىڭ سوڭىندا اقش كوشباسشى ەلدەگى الەۋمەتتىك جەلىلەردى رەتتەۋ تۋرالى اتقارۋشى جارلىققا قول قويدى. ترامپتىڭ ايتۋىنشا، بۇل قۇجات اتالعان سالادا جاڭا رەتتەۋ شارالارىن ورناتۋعا ارنالعان.

"The Qazaq Times"