Wzaq jıldar şeneunik bolğan Nwrjan Ältaev täuelsiz partiya qwratının mälimdedi. Foto: eldala.kz

Ükimet basşısınan jauap talap etken jäne ötken jwmada jaña partiya qwratının mälimdegen Nürjan Ältaev bilik partiyası «Nwr Otan» qwramınan şığarılıp, deputattıq mandatınan ayırıldı.

Bügin 2 jeltoqsanda Ortalıq saylau komissiyası bwl turalı arnayı qaulısın jariyaladı. Sonımen qosa, mäjilis deputatı, «Nwr Otannıñ» partiyalıq baqılau komitetiniñ jetekşisi Pavel Kazancev Facebook jelisindegi paraqşasında onıñ «partiya bedeline nwqsan keltirgeni üşin» sayasi wyımnan şığarılğanın jazdı.

27 qaraşada Nwrjan Ältaev parlamentte «Nwr Otanğa» balama pikir ayta alatın «şınayı» oppoziciyalıq partiya joğın aytıp, «El tiregi» attı jaña sayasi partiya qwratının aytqan. Alayda ol aldağı 10 qañtarğa belgilengen saylauğa ülgermeytin bolğandıqtan, segizinşi saylanımğa qatısuğa nietti ekenin habarlağan.

Bwğan deyin Nwrjan Ältaev prem'er-ministr Asqar Mamindi sınğa alğan. Ol Ükimet basşısına joldağan hatında bılay degen edi:

«Qwrmetti Asqar Wzaqbaywlı, men sizdi Parlamentke kelip, halıq aldında jäne halıq ökilderi aldında koronaviruspen küreste atqarılğan jwmısqa esep beruiñizdi swraymın. Qıruar qarjınıñ qalay igerilgenin, koronavirus qwrbandarınıñ sanı men auır jağdaydıñ sebebin aytıp berseñiz. Äytpese, densaulıq saqtau ministrin alıp tastadı da, sonımen bäri tınıştalıp qaldı. Al bolğan jağdayğa kim jauap beredi?» Degenmen mäjilis deputatınıñ bwl saualına Asqar Wzaqbaywlı jauap bermedi.

Qazaqstanda resmi tirkelgen altı sayasi partiya bar. Qazir parlamenttegi negizgi orındı eks-prezident Nazarbaev basqaratın «Nwr Otan» partiyası ielenip otır.

Qazaqstannıñ jäne halıqaralıq qwqıq qorğauşıları men oppoziciyalıq küşter eldegi sayasi erkindiktiñ joqtığın, partiya qwrudıñ qiındığın, azamattıq qwqıqtıñ şekteletinin jii sınaydı.

"The Qazaq Times"