Bwğan deyin aqparat qwraldarında habarlanğanday, Irannıñ «yadrolıq qaruınıñ atası» atalğan Mohsen Fahrizadenniñ ölimine Tehran biligi Izrail'di ayıptap, bwl is üşin kek alatındarın aytqan edi. Keşe Iran qızmeti Fahrizadenge Izrail' tarabı «alıstan basqarılatın qwral» arqılı qastandıq jasadı dep mälimdedi.

Iran arnayı qızmetiniñ jetekşisi Ali Şamhanidıñ aytuınşa, qastandıq jasauşılar «elektrondı jabdıqtardı paydalanğan» eken. Ol sonday-aq, Iran jauları bwğan erteden öte mwqiyat dayındalğan degen pikirin ayttı.

Degenmen, Tehran biligi Fahrizadenniñ ölimi jayında qarama-qayşı mälimdemeler de jasadı. Jergilikti basılımdardıñ habarlarında, ğalımnıñ köligine oq jaudırılğan jäne ol auır jaraqat alıp, emhanada jan tapsırğan. Aqparat qwraldarına tarağan köliktiñ suretinen de oq izderin anıq köruge boladı. Tehran biligi aldımen ğalımnıñ oqqağarları men şabuıl jasauşılar arasında oq atıstıñ bolğanın aytqan bolatın. Alayda, bir künnen keyin irandıq resmi BAQ Fahrizandenge «alıstan basqarılatın» nemese «sputnig arqılı basqarılatın apparatpen şabuıl jasalğanı» turalı habarlap jattı.

Iran prezidenti Hasan Ruhani tele-joldauında Fahrizadenniñ ölimine evrey biligin ayıptasa, ruhani kösemi Homeney qastandıq wımdastıruşılardı tauıp jazağa tartuğa tapsırma berdi. Bwğan qarsı Izrail' tarabı resmi jauap qatqan joq.

Jalpı, bwl Irannıñ yadrolıq bağdarlamasına qatıstı twlğalarğa jasalğan alğaşqı şabuıl emes. 2010-2012 jıldar arasında Iran yadrolıq bağdarlamasınıñ tört birdey mamanı qoldı bolğan edi. Onda da Tehran Tel-Avivti ayıptağan, biraq naqtı dälel körsete almağan.

Qalay bolmasın, Mohsen Fahrizadenttiñ ölimi Iran arnayı qızmeti üşin ülken soqqı deuge boladı. BBC-diñ parsı tilindegi qızmeti bolsa Fahrizadenniñ ölimi Iran arnayı qızmetiniñ işinde Batıs pen Izrail'ge jwmıs isteytin adamdardıñ boluı ıqtimal ekenin körsetti degen boljam jasadı. Aytularınşa, yadrolıq bağdarlamanı jasauşı mamandı sonday jansızdar wyımdastırğan boluı mümkin.

“The Qazaq Times”