فوتو: ار

كانادا بيلىگى Boeing 737 MAX ۇشاعىنىڭ كوممەرتسيالىق رەيستەرىن قالپىنا كەلتىرۋگە ازىگە رۇقسات بەرمەيدى. بۇل تۋرالى كانادانىڭ كولىك مينيسترلىگىنىڭ باسشىسى مارك گارنودىڭ مالىمدەمەسىندە ايتىلدى.

دەپارتامەنت اقش-تىڭ فەدەرالدى اۆياتسيا باسقارماسى (FAA) Boeing 737 MAX ۇشاقتارىن جاڭارتۋعا رۇقسات بەرگەن. بىراق بۇل اۆيالاينەرلەردىڭ كانادانىڭ اۋە كەڭىستىگىنە كىرۋىنە رۇقساتتى تەك ارنايى ماماندار قارايدى.

«كانادانىڭ اۋە كەڭىستىگىندە Boeing 737 MAX ۇشاقتارىنىڭ كوممەرتسيالىق رەيستەرىنە قويىلعان شەكتەۋلەر ساقتالادى جانە كولىك مينيسترلىگى قاۋىپسىزدىك دەپارتامەنتى بارلىق قاۋىپسىزدىك ماسەلەلەرى شەشىلگەنىنە دەيىن تىيىمدى جويمايدى»، – دەدى مينيستر.

سارسەنبىدە Reuters اقش-تىڭ اۆياتسيالىق رەتتەۋشىسى اتالعان ۇشاق جۇمىسىن قايتا باستاۋعا رۇقسات بەرگەنىن حابارلادى.

2018 جىلى 10 ناۋرىزدا دەبرە-زەيت قالاسى ماڭىندا «Ethiopian Airlines» كومپانياسىنا تيەسىلى Boeing 737 Max» ۇشاعى اپاتقا ۇشىراپ، سالدارىنان 157 ادام كوز جۇمعان بولاتىن. 2018 جىلى قازان ايىندا يندونەزيادا تاپ وسى مودەلدى لاينەر قۇلاپ، 189 جولاۋشى قازا تاپقان ەدى. اراعا ساناۋلى كۇندەر سالىپ، امەريكانىڭ دجەكسونۆيلل قالاسىنداعى وزەنگە Boeing 737 جولاۋشىلار ۇشاعى قۇلادى.

وسى وقيعادان كەيىن ۇلىبريتانيا مەن فرانتسيا ۇشاقتان باس تارتسا، مالايزيا، اۆستراليا، يندونەزيا، قىتاي مەن سينگاپۋر بيلىگى اۋە كەمەسىن بۇدان بىلاي ساپارعا شىعارمايتىن بولدى.

"The Qazaq Times"