Körneki suret. Foto: dw.com

Naurız ayınan bastap elde barlığı 7 mıñnan astam bala auırğan. Onıñ 5,2 mıñına koronavirus jwqsa, qalğan 1,8 mıñ bala koronavirus pnevmoniyasına şaldıqqan deydi departament basşılığı. Biraq vice-ministr Ajar Ğiniyatqızınıñ mälimeti müldem basqaşa. 

Ministrlik qaramağındağı Medicinalıq kömekti wyımdastıru departamentiniñ bastığı Azamat Düysenov redakciyanıñ swrağına bergen jauabında koronaviruspen 5265, onıñ pnevmoniyalıq türimen 1810 bala auırğanın jetkizdi. Halıqaralıq aurular jikteliminde «U07.2» kodımen belgilenetin KVI- nemese koronavirus pnevmoniyasınıñ jiıntıq esebi aytarlıqtay az boluı jaña formattağı resmi statistikanıñ 1 tamızdan beri jürgiziluine baylanıstı.

Tamız ayında 808 balanıñ ökpesi qabınğanı anıqtalğan. Keyingi üş ayda jasına tolmağan 168 säbiden PTR taldauı teris körsetkenimen, koronavirus pnevmoniyası diagnozı qoyılğan. Tamızda – 76, qırküyekte – 58, al qazan ayında – 34 näresteniñ «KVI-» auruına şaldıqqanı habarlanğan. Ministrliktiñ jedel derekter qorın wyımdastıratın Aqparattıq jüyeniñ dereginşe, mausım-şilde aylarında jiını 3 mıñnan artıq baladan koronavirus tabılğan. Qazan ayında koronavirus jwqqan öskinşekterdiñ qatarı qırküyekke qarağanda eselengen. Mamandar mwnı oqu jılı men epidemiya mausımınıñ bastaluımen tüsindiredi.

Degenmen koronavirus pnevmoniyasına şaldıqqan balalar turalı derek vice-ministr Ajar Ğiniyatqızınıñ redakciyağa bergen jauabımen qabıspaydı. 20 qazan küngi ministr orınbasarınıñ jauabında «1 tamızdan 13 qazanğa deyin koronavirustıq infekciya 27 709 adam sauığıp şıqqanın, onıñ 4058-i bala ekenin» bayandağan. Osı hattağı sandarğa qarağanda, ayıqqandardıñ 1130-ı jasına tolmağan säbi, 258-i 15 pen 17 jas aralığındağı jasöspirim. Äli jazılıp şıqpağandardı esepke alğanda pnevmoniyamen auırğan balalardıñ sanı äldeqayda köp boluı mümkin.Bir ministrliktegi departament bastığı men vice-ministrdiñ deregi eki türli. Bir indikatorğa qatıstı körsetkiştiñ ärtürli boluın ministrliktiñ baspasöz qızmetine swrap kördik. Jauap berilgen boyda aqparattı tolıqtıratın bolamız.

Qazaqstannıñ densaulıq saqtau vice-ministri Ajar Ğiniyatqızınıñ redakciya swrağına bergen №01-1-07/7787 jauap hatınan üzindi. Foto: hattan fragment

15 qaraşadağı jağday boyınşa, koronavirustan auırıp jatqan 9162 adamnıñ 458-i bala. Al koronavirus pnevmoniyasına şadığıp, emdelip jatqan 10 617 nauqastıñ neşeui kämilet jasına tolmağanın bilu äzirge mümkin emes. Sebebi Densaulıq saqtau ministrligi KVI- diagnozı turalı aqparattı jariyalaudı äli künge deyin jüyeley almağan. Bwl koronavirus jwqqanı PTR testi arqılı rastalğan mälimetter sanatı siyaqtı tolıq äri naqtı emes.

“The Qazaq Times”