Illyustraciya: Aïda Amer/Axios

AQŞ prezidenti Donal'd Tramptıñ äkimşiligi aldağı aptalarda Qıtayğa qatıstı birqatar qatañ şaralar qabıldauğa nietti. Bwl turalı Axios aqparattıq portalı habarladı.

Tramp Beyjiñge qarsı osınday qatañ şaralar qabıldap jatqandıqtan, prezidenttik saylauğa qatısqan demokrat Djo Bayden üşin QHR-ğa qatıstı qazirgi bağıttı özgertu «sayasi twrğıdan qolaysız». Qazir Aq üy QHR qarulı küşterimen baylanısı bar qıtaylıq kompaniyalardıñ tizimin eselegen.

Sonımen, Uaşington äkimşiligi Şıñjañ-Wyğır avtonomiyalıq audanında jäne Gonkongta adam qwqıqtarın bwzuğa qatısqanı üşin nemese AQŞ-tıñ wlttıq qauipsizdigine qauip töndirgen Qıtay kompaniyaları, memlekettik qwrılımdar men lauazımdı twlğalarğa sankciyalar engizudi josparlap otır. Mwnımen qatar, Tramp äkimşiligi Tayuan'men baylanıstardı qarap, AQŞ-tağı Qıtay bas konsuldıqtarınıñ jabılun qarastırıp jatır.

«Eger Beyjiñ öz bağıtın özgertpese, Aq üy Tramp sayasatın jalğastıradı. Kelesi prezidenttikke Baydan tağayındalsa da, Qıtayğa qarsı bağıttı wstanuı kerek», – deydi Aq üydiñ Wlttıq Qauipsizdik Keñesiniñ baspasöz qızmetiniñ jetekşisi Djon Elliot. Al AQŞ Wlttıq barlau qızmetiniñ direktorı Djon Ratkliftiñ habarlauınşa, jaqın arada Beyjiñge qatıstı tağı bir ayıp tağıladı.

Ötken aptada Tramp «Qıtay qarulı küşterimen baylanısı bar qıtaylıq kompaniyalarğa bölinetin AQŞ investiciyalarına tıyım salu turalı» Jarlıqqa qol qoydı. Jarlıqqa säykes, 2021 jıldıñ 11 qañtarınan bastap amerikalıq jeke jäne zañdı twlğalarğa joğarıda atalğan tizimge engen Qıtay kompaniyalarımen baylanıs ornatuğa tıyım salınadı.

Osı mäselege qatıstı mälimdeme jasağan QHR SİM resmi ökili Van Ven'bin': «AQŞ ükimeti Qıtay kompaniyalarına qısım jasap otır. Bwl narıqtıq bäsekelestik pen halıqaralıq sauda erejelerin aytarlıqtay bwzadı, eki el arasındağı iskerlik jäne investiciyalıq ıntımaqtastıqqa aytarlıqtay nwqsan keltiredi», – deydi.

"The Qazaq Times"