Ukrainada soğıs bastalğannan beri Qıtaydıñ poziciyasınıñ qanday bolatını NATO men AQŞ üşin asa mañızdı bolıp kelgen. Rimde ötken alğaşqı joğarı deñgeydegi kezdesuden keyin AQŞ Qıtay wstanımın anıqtauğa mümkindik aldı.
AQŞ prezidentiniñ wlttıq qauipsizdik jönindegi keñesşisi Jeyk Sallivan men QKP OK sayasi byurosınıñ müşesi, QKP OK Sırtqı sayasat basqarmasınıñ basşısı YAñ Jieçı Rim üstelinde 7 sağatqa sozılğan joğarı deñgeydegi kezdesu ötkizdi. Rimdegi osı kelissözdiñ nätijesi turalı äli de talastı pikirler bir arnağa tüsip bolğan joq.
Qıtay joğarı lauazımdısı Rimdegi kezdesude Resey-Ukraina mäselesinde beytarap wstanımda ekenin, dağdarıstı kelissöz arqılı şeşuge müddeli ekenin qanşalıqtı däleldeuge tırısqanımen, kezdesuden keyin Sallivan bastağan AQŞ delegaciyası Qıtay Reseyge kömektesuge bel baylağanın anıqtadı.
Ağılşınnıñ The Guardian basılımı amerikalıq lauazımdılardıñ sözine silteme jasay otırıp, AQŞ delegaciyası Rimdegi kezdesuden kelisim kütip barmağanın, tek bwl kezdesu arqılı AQŞ-tıñ wstanımdarı men pikirin Beyjiñge jetkizudi maqsat etkenin jazdı. Kezdesuge qatısqan AQŞ şeneunigi atalğan basılımğa bergen pikirinde kelissözdiñ joğarı qarqında bolğanın, onıñ üstine naqtı bir nätijeni közdeuden köri AQŞ pen Qıtay ortasında aşıq pikir almasuğa qwrılğanın aytqan.
Batıstıñ qazirgi küş salıp jatqanı mümkindiginşe eñ ülken antireseylik koaliciyasın qalıptastıru. Osı maqsatta köptegen elderdi Reseyge kömek körsetpeuge şaqırıp jatır. Reseydiñ Qıtaydan kömek swrap jatqanı turalı habarlar tarasımen, AQŞ birden eskertu jasap, bwnday Qadam Qıtay üşin auır zardap äkeletinin eskertken. Degenmen, bwğan da qaramastan Beyjiñ wstanımın qayta qarauğa bekingen bolsa, bwl jahandıq soğıs qaupi arttı degenli bildiredi.
Resey Qıtaydan äskeri maqsattağı wşqışsız wşu qwrılğıların, türli oq-därilerdi jäne äskeri jabıdıqtaudı swrap jatır. CNN arnasınıñ habarında Reseydiñ swranıstarı arasında äskerlerdi azıq-tülikpen qamtamasız etude bar. Bwğan qarap soğıs Resey kütkennen älde qayda wzaqqa äri qiınğa soqqanın körsetedi. Batıs sankciyalarınan keyin Reseydiñ ekonomikalıq jağdayı auır jağdayda qaldı, bwnday jağdayda Resey ekonomikalıq jäne qarjılıq qoldauğa meylinşe zäru. Ukrainağa basıp kirgennen keyin qwnı 640 mlrd dollarlıq qwnğa ie altın-vadyuta qorı bwğattalıp, işki-sırtqı qarızdarın öteude de ülken qiınşılıqqa wşıradı. Degenmen, yuanmen saqtalğan rezervteri arqılı Qıtaydıñ kömektesuge mümkindigi bar.
AQŞ Qıtaydıñ Reseyge qoldau körsetu turalı nietinen qaytaruğa tırısıp körgenimen, bwdan eş nätije şıqpaytının bildi. Sebebi, Batıspen qarsılasu jağdayında Beyjiñ men Mäskeu bir-birine jaqınday tüsti. Endi AQŞ üşin Europanı Qıtaymen sauda jäne özge qarım-qatınastarın qayta qarauğa köndiru qalğanday.
Kiberşabuılğa wşırağan BAQ ökilderi qwqıq qorğau organdarına arız tüsirdi
Ortalıq Aziya: tarihi, sayasi jäne ekonomikalıq müddeler ayasında
Qırğızstanda täuelsiz Kloop basılımınıñ qırğız tilindegi saytı bwğattaldı
Reseydiñ Doneck oblısı Konstantinovka qalasındağı bazarğa şabuılınan 16 adam qaza taptı
Sadır Japarov Istıqköldegi tört pansionattı Özbekstanğa beru sebebin tüsindirdi
Pigojinniñ «Vagner» tobı Mäskeu tübine kelip şeginip ketti
