Ukraina Sotı Zelenskiydiñ wsınısına demarş jariyaladı

Ukraina Konstituciyalıq Sotı prezident Zelenskiydiñ eldegi sayasi jağdaydıñ şielenisuine äkelip soqtırğan «sıbaylas jemqorlıqtıñ aldın alu turalı» zañ normalarınıñ bir böligin alıp tastau turalı şeşimine demarş jariyaladı. Mwnı Zelenskiy «oligarhtardıñ qastandığı» dep qatañ sınğa aldı.

El prezidenti öziniñ Telegram kanalında: «Konstituciyalıq Sottıñ demarşası – eski elitalar men oligarhtardıñ prezidentke jäne elge qarsı jasağan qastandığınıñ qoğamdıq körinisi. Basqa jol joq. Bwl – halıqqa qarsı twru. Sebebi älsiz prezident pen älsiz memleket – olardıñ sıbaylas jemqorlıqqa qwrılğan ömir saltın saqtaudıñ kepili» , – dep jazdı.

27 qazanda Ukrainanıñ Konstituciyalıq sotı «Sıbaylas jemqorlıqtıñ aldın alu turalı» zañ normalarınıñ edäuir böligin, atap aytqanda şeneunikterdiñ elektrondıq deklaraciyalardı jariyalau jäne olardı tekseru qajettiligin eldiñ negizgi Zañına säykes emes dep tanıdı.

29 qazanda Wlttıq qauipsizdik jäne qorğanıs keñesiniñ şwğıl otırısında Zelenskiy «Kiev sıbaylas jemqorlıqqa qarsı zañnama turalı sot şeşimine baylanıstı Batıs seriktesteriniñ qarjılıq qoldauın joğaltadı» – dep mälimdedi.

Ukraina prezidentiniñ el parlamentine wsınğan zañ jobasında Konstituciyalıq Sot sud'yalarınıñ ökilettikterin toqtatudı, onıñ deklaraciyalau turalı şeşimin jaramsız dep tanudı jäne «sıbaylas jemqorlıqtıñ aldın alu turalı» Zañğa tiisti özgeristerdi joyu qarastırılğan.

Europa Keñesiniñ Veneciyalıq komissiyası Rada spikeri Dmitriy Razumkovqa hat jiberip, Zelenskiydiñ wsınısına alañdauşılıq bildiretinin ayttı. Komissiya spikerdi «Konstituciyalıq sud'yalardıñ otstavkağa ketui turalı şeşimniñ el üşin saldarın qarauğa» jäne qalıptasqan jağdaydı retteudiñ «ıqtimal balama joldarın zertteuge» şaqırdı.

"The Qazaq Times"