Foto: biz.liga.net

Vladimir Zelenskiy Vladimir Putindi dialogqa şaqırdı. Bwl turalı Ukraina prezidentiniñ baspasöz hatşısı YUliya Mendel' habarladı.

Ukrana tarabı Donbasstağı ahualdı talqılauğa nietti. Biraq Resey äzirge resmi jauap bergen joq. Bwğan deyin Putinniñ baspasöz hatşısı Dmitriy Peskov eşqanday habarlama almağanın aytqan.

Naurızda Donbasstağı janjal qayta uşıqqan. Türli habarğa qarağanda, Resey äskeri Ukraina şekarasına jaqın jerlerge şoğırlana bastağan. Mäskeu bwl äskerdiñ eşkimge qauip töndirmeytinin aytadı. Germaniya kancleri Angela Merkel'men telefon arqılı söylesken Vladimir Putin Mäskeudiñ bwl qadamğa öz qauipsizdigin qamtamasız etu üşin barğanın aytqan.

Al The New York Times gazeti Mäskeudiñ Ukraina şekarasına 4000-ğa juıq äsker jibergenin jazdı. Basılımnıñ mälimetinşe, Resey 23 naurızda ayaqtalğan äskeri jattığulardan keyin Ukraina şekarasına jaqın aymaqtan äsker şığarmağandıqtan, AQŞ pen Euroodaq bwl jağdaydı qatañ baqılauğa alğan. Sebebi şekarağa äsker jiberu – memlekettiñ qauipsizdigine nwqsan keltirui mümkin. Sonımen birge, äleumettik jelilerde Resey Bryansk, Voronej jäne Rostov oblıstarına, anneksiyalanğan Qırımğa da äskeriler jiberip jatqandığı turalı habarlamalar jariyalandı.

Keyinnen Euroodaq pen AQŞ Reseyge qarsı sankciyalardı küşeytudi talqıladı. Jaña sankciyalar ayasında Resey oligarhtarınıñ qarajatı bwğattalıp, Reseydiñ SWIFT bank jüyesinen şettetilui mümkin. Öz kezeginde bwl Resey gazın Baltıq teñizi arqılı Germaniyağa jetkizetin «Soltüstik ağıs-2» gaz qwbırınıñ qwrılısın qiındatadı.

"The Qazaq Times"