AQŞ prezidenti Donal'd Tramp jäne demokrat Djo Bayden. Foto: AR

AQŞ tarihında twñğış ret prezidenttik saylaudıñ nätijesi resmi dauıs beru künine deyin yağni 3 qaraşada aldın ala şeşilui mümkin. Bwl jolı saylauşılardıñ jartısına juığı merziminen bwrın dauıs bergen. Äzirge, Djo Bayden Donal'd Tramptan 9%-ğa alda. Degenmen, tört jıl bwrınğı saualnamalar da Donal'd Tramptıñ jeñiletinin boljağan.

Qazir Tramp pen Bayden kümän tuğızatın, yağni swing state dep atalatın, elektoratı qwbılmalı ştattardı aralap jür. Sebebi prezident atanu üşin qajetti 270 elektoraldı kolledjdiñ dauısın jinauğa öte ülken äser tigizetin ştattar. Bwl ştattardıñ qatarında Djordjiya, Florida, Pensilvaniya, Ayova, Miçigan bar. Sonday aq osı aptada Kamala Haris, Barak Obama jäne Mayk Pens siyaqtı sayasatkerler özderiniñ jaqtastarın barınşa qoldap, saylaualdı ügit-nasihattarğa köptep qatısuğa tırıstı.

Resmi dauıs beru küninen üş kün bwrın AQŞ-tağı saylau komissiyaları jaña rekord turalı esep berdi: 91,6 million saylauşı merziminen bwrın dauıs berip, byulleten'derdi poşta arqılı jibergen. Bwl san eldegi barlıq tirkelgen saylauşılardıñ 43%-ı.

Mälimetter boyınşa, 35 ştat pen Kolumbiya okruginde saylauşılardıñ jartısınan köbi dauıs bergen. Florida, Djordjiya jäne Soltüstik Karolina qazannıñ soñında 70% -dan astam byulleten tapsırdı. Tehasta bwl körsetkiş 90%-dan astı.

Washington Post gazetiniñ mälimetinşe, soñğı eki aptada demokrattıq kandidat Pensil'vaniya, Arizona, Florida jäne Uiskonsin siyaqtı tört negizgi jäne eñ şeşuşi ştattarda köş bastap keledi.

Birneşe apta bwrın «New York Post» gazetinde AQŞ-tıñ bwrınğı vice-prezidenti jäne biılğı prezidenttik saylauğa kandidat Djozef (Djo) Baydenniñ wlı Hanter Bayden turalı maqala şıqtı. Materialda Bayden jäne onıñ wlına qatıstı ayıptau hattarı men basqa da materialdar jariyalandı. Qaraşada ötetin iri sayasi dodağa sanaulı künder qalğanda mälim bolğan «qwpiya hattardan» keyin Baydenniñ reytingine nwqsan kelgen.

Hanterdiñ noutbugı 2019 jıldıñ säuirinde Delaverdegi jöndeu şeberhanasında qaldırılğan. Noutbuktegi elektrondıq hattarda Demokratiyalıq partiyadan AQŞ prezidenttigine ümitker Djo Bayden 2015 jılı ukrainalıq Burisma kompaniyasınıñ ağa qızmetkeri Vadim Pojarskiymen kezdesu ötkizgeni jazılğan. Bwğan deyin Baydenniñ özi mwnday baylanıstardıñ eşqaşan bolmağanın aytqan.

Amerikadağı prezident saylauı biıl 3 qaraşada ötedi. Qızu dodada qos kandidat – qazirgi 45-şi prezident Donal'd Tramp jäne demokrat Djo Bayden baq sınaydı. Respublikalıq partiya ökili Tramp aldağı saylaudıñ nätijesin tek AQŞ Joğarğı Sotı anıqtaydı dep boljağan. Aq üy basşısı soñğı kezderi demokrattar pandemiyağa baylanıstı aldağı saylauda keñinen qoldanudı wsınatın poşta arqılı dauıs beru ädisin birneşe ret sınğa alğan. Tramp sonımen birge poşta arqılı dauıs beru kezinde basqa memleketterdiñ qatısu qaupi joğarı deydi.

"The Qazaq Times"