Blinken: AQŞ Reseydiñ agressivti sayasatına jauap beruge dayın

Amerika Reseydiñ agressivti sayasatına jauap beruge dayın. Bwl turalı AQŞ Memlekettik hatşısı Entoni Blinken VVS-ge swhbatında ayttı.

Londonda ötip jatqan «Ülken jetilik» elderiniñ jiınında Blinken: «Reseydiñ Solar Winds-tegi kiberşabuıl, prezidenttik saylauğa aralasu jäne Naval'nıyğa qarsı wyımdastırılğan äreketterdiñ barlığı agressiyalıq sayasattıñ bir däleli. Eger Resey ädettegidey bwl wstanımınan taymasa biz de soğan say jauap qaytaramız», – dedi.

Blinken Resey men Germaniyanıñ «Soltüstik ağın-2» gaz qwbırına baylanıstı da pikir bildirdi. «Djo Bayden prezident bolmay twrğanda-aq «Soltüstik ağın» jobasın sınğa alğan. Sebebi bwl joba Reseydiñ müddesin alğa tartıp, Europa müddelerine qayşı keledi. Jalpı Euroodaqtıñ energetikalıq qauipsizdigine nwqsan keltiredi. Äsirese, Pol'şa, Ukraina üşin qauipti», – deydi.

Memlekettik hatşı bwl jolı da AQŞ Ukrainanı qoldaytının ayttı. Sonday-aq Blinken Ukrainanıñ şığısındağı qauipsizdik jağdayına alañdauşılıq bildirdi. Naurızdıñ ortasında AQŞ senatorlar tobı Ukrainamen qauipsizdik salasındağı seriktestik turalı zañ jobasın wsındı. AQŞ Kongresi Senatınıñ Halıqaralıq ister jönindegi komitetiniñ qarauına engizilgen qwjatta Kievke jılına 300 mln dollar äskeri kömek jäne ukrain äskeri oficerlerin dayarlauğa jılına 4 mln dollarğa (3,4 mln euro) bölu qarastırılğan.

Bwğan deyin The Wall Street Journal basılımında AQŞ şeneunikteri Reseymen qarama-qayşılıq tuındağan jağdayda Ukrainağa qaru-jaraq beru josparın äzirlep jatqanı jazılğan. Biraq bwl şaralardı AQŞ prezidenti Djo Bayden äzirge maqwldağan joq. Basılımnıñ habarlauınşa, mwnday qoldauğa zenittik jüyeler kirui mümkin. Sonımen qatar, maqalada AQŞ äkimşiligi Reseyge qarsı qosımşa ekonomikalıq sankciyalar engizu mümkindigin qarastırıp jatır.

"The Qazaq Times"