Älemniñ tağı eki elinde koronavirustı jwqtıru derekteriniñ sanı bir milliondıq mejeden asıp, antirekord ornadı.

Bwğan deyin milliondıq mejeden tört memleket – Amerika, Ündistan, Braziliya jäne Resey asqan bolatın. Endi bwl tizimge Europadağı Ispaniya men Latın Amerikasındağı Argentina qosıldı. Eki el de koronavirustıñ ekinşi tolqınımen küres jürzigip jatır.

Negizi Argentinada naurızdıñ ayağında qatañ karantin engizilip, indettiñ taraluı bäseñdegen. Alayda şekteu şaralarınıñ jeñildetilui saldarınan auru qayta örşi tüsken. Äsirese, soñğı ayda derekter sanı kürt artqan. İndettiñ örşuine baylanıstı qazir jansaqtau bölimindegi orındardıñ 65%-ı bos emes.

Soñğı mälimetter boyınşa, älemde 40 millionnan astam keys tirkelgen. Dertke şaldıqqandar sanı qayta artqan memleketter tötenşe jağday engizip, karantin şaraların qatañdata bastağan. Äsirese, AQŞ pen Europada virustan töngen qauip artqan. Osığan baylanıstı Düniejüzilik densaulıq saqtau wyımınıñ Europa aymağı boyınşa byuro direktorı Hans Klyuge Europa elderinde qabıldanıp jatqan şekteu şaraların maqwldadı.

"The Qazaq Times"